ABC Rorel leh Inkhawmpui neih a ni dawn.

By Communications Dept.BCM
Mizoram Baptist Kohhran – Area Baptist Council (ABC) Rorel leh Inkhawmpui chu November 25-27, 2022 chhung hian ABC 16-ah a rualin neih a ni dawn a. November 25, zirtawp zan atangin Inkhawmpui hi tanin, vantlang Inkhawm atan hman a ni ang. Inrinni nilengin ABC Rorelna neih a ni ang a, ABC Executive Committee thute bakah Pastor Bial  atanga Agenda lut te, ABC kal tlanga Assembly 2023-a thlen tura chhawpchhuah te ngaihtuah a ni ang. Zanlam-ah Pathian Biak Inkhawm awm lehin, ABC thenkhat-ah inkhawm banah Inpawlhona leh Zaikhawm programme an siam bawk.

 

November 27, 2022 (Pathianni) Chawhma inkhawm hi Kohhran Upa Ordination Service atan hman a ni ang a, Pastor Bial 66 atangin Kohhran Upa  162 nemngheh tur awmin, anmahni awmna ABC theuh-ah nemngheh an ni ang. Pathianni chawhnu-ah Lalpa zanriah (Sacrament) kil ho a ni ang a. Zan lamah Vantlang Inkhawm awm lehin inkhawm banah Inkhawmpui an tiak tawh dawn a ni.

 

ABC Rorel leh Inkhawmpui neihna hrang hrang leh Thupui, Kohhran Upa nemnghettu turte chu hetiang hian report kan dawng.

 

 

1. Aizâwl East ABC: BCM Biak in, Kahrawt, Champhai.

            Thupui: ‘Tunlai thil awmzia’ (Rom 13:11)

            Kohhran Upa nemnghettu: Rev. C. Lalremmawia.

 

2. Aizâwl North ABC: BCM Biak in, Bâwngkâwn

            Thupui: ‘Pathian Ram’(Luka 4:43)

            Kohhran Upa nemnghettu: Rev. PC. Lalmuankima

 

3. Aizâwl West ABC: BCM Biak In, Bethlehem Vêngthlang

            Thupui: ‘Khawvêl êng in ni e’ (Matt. 5:14)

            Kohhran Upa nemnghettu: Rev. T. Lals^ngvunga

 

4. Buarpui ABC: BCM Biak In, Thênhlûm

            Thupui: ‘I ram lo thleng rawh se”

            Kohhran Upa nemnghettu: Rev. Zirsângzuala Hrângchal

 

5. Dîltlâng ABC: BCM Biak In, M. Kâwnpui

            Thupui: Krista Thuhretu

            Kohhran Upa nemnghettu: Rev. Lalrinawma Sailo

 

6. Hnahthial  ABC: BCM Biak In, Rotlang East.

            Thupui: Chak tak leh huai takin awm rawh

            Kohhran Upa nemnghettu : Rev. TC. Vânlalmalsâwma

 

7. Lawngtlai ABC: BCM Biak In, Thingfâl.

            Thupui: Tho la, i Pathian ko rawh.

            Kohhran Upa nemnghettu:  Rev. K. Laldosânga

 

8. Lunglei East ABC: BCM Biak In, |awipui North II

            Thupui: Dinthar Lehna (I Samuela 11:14)

            Kohhran Upa nemnghettu: Rev. H.Lalremruata

 

9. Lunglei North ABC: BCM Biak In, Pûkpui

            Thupui: Din Thar lehna

            Kohhran Upa nemnghettu: Rev. R. Thanmawia

 

10. Lunglei South ABC: BCM Biak In, Chanmari, Lunglei.

            Thupui: Siamthar lehna(Gal. 6:15)

            Kohhran Upa nemnghettu: Rev. Sângliankhûma Chînzah

 

11. Lunglei West ABC: BCM Biak In, Hauruang

            Thupui: Pathian nên lo inrem rawh u.

            Kohhran Upa nemnghettu: Rev. R. Lalthangliana

 

12. Phawngpui ABC: BCM Biak In, Muallianpui ‘S’

            Thupui: I Pathian tâwk tûrin inpeih rawh

            Kohhran Upa nemnghettu: Rev. Lalhruaia Chenkual

 

13. Sêrchhip ABC: BCM Biak In, Bûngtlâng

            Thupui: Tûnlai thil awmzia(Rom 13:11)

            Presiding Minister: Rev. Lalsânglûra Sailo.

 

14. Thênzâwl ABC:  BCM Biak In, Bethlehem Thênzâwl.

            Thupui: Isua Krista, khawvêl mamawh.

            Kohhran Upa nemnghettu: Rev. N. Vânlalzuia

 

15. Tlabung ABC: BCM Biak In, Chawngte’P’

            Thupui: I Pathian tâwk tûrin inpeih rawh’ (Amosa 4:12b)

            Kohhran Upa nemnghettu: Rev. H. Lalremsânga

 

16. Tutthlang ABC: BCM Biak In, Immanuel W, Phailêng’

            Thupui: I ram lo thleng rawh se. (Matt 6:10)

            Kohhran Upa nmnghettu: Rev. Hmingthanzâma Chawngthu

Mizo Theological Association buatsaihin Unity Carol Service neih a ni

Mizo Theological Association buatsaihin Unity Carol Service neih a ni

Tunkar Ningani zan, December 2, 2022 khan Mizo Theologgical Association(MTA) buatsaihin BCM Biak In, Chanmari, Lungleiah Unity Carol Service neih a ni a. He hunah hian Lunglei khaw chhunga Kohhran Pawl hrang hrang memberte mi 800 chuang an kalkhawm. …

Fianance & Pension Committee Meeting neih a ni.

Fianance & Pension Committee Meeting neih a ni.

Tunkar Nilaini, November 30, 2022 khan Finance & Pension Committee meeting Sap Upa leh Pu Buanga Hall, Serkawn-ah neih a ni a, Committee hi President, Rev. Dr. R. Zolawma’n a kaihruai a, General Secretary Rev. R. Lalbiakliana’n BCM sum dinhmun  report pe-in thu ngaihtuah tura chhawpchhuah te tarlangin a sawifiah bawk. …

R&D leh Lawngtlai Area Kohhran ten Parva-III-a Bangladesh raltlan te chhawmdawlna an pe.

R&D leh Lawngtlai Area Kohhran ten Parva-III-a Bangladesh raltlan te chhawmdawlna an pe.

December 1, 2022 (Nilaini) khan Relief & Development Department thawktute -  Director Rev. L. Vanlalsanga hovin, Senior Coordinator- Pu Lalrinawma leh Asst.Coordinator Nl. T. Lalfawnveli te, Diver Pu Lalawmpuia te chu Bangladesh atanga Raltlan, Parva-II-a awmhmun khuar te chhawmdawlna pe-in an kal a. R&D hotute hian Raltlante chu an awmnaah kalchilhin Cheng 30,000/- man an mamawh hrang hrang leh leh tangka fai cheng 20,000/- Raltlante pual hian an hlan a ni. Director chuan thuchah tawi sawiin, ringtute chu harsatna hmunah pawh chhel taka tuar tur leh Pathiana rinna vuan talt turin a fuih a, BCM pawhin a ngaihsakin a vil reng dawn a ni tiin raltlante thlamuanna thu a sawi a ni. …