AICS zirlai ten Field Education an nei mek.

Academy of Integrated Christian Studies (AICS) a BD leh M. Div zirlaite chuan field education nei in November ni 15 atang khan hmun hrang hrangah an kal a, November 30 thleng a awh ang.  Field Eduction atan hian First Year zirlai te chu social Centre hrang hrang ah kal in, Centre enkawl tute kaihhruaina in a tul anga rawngbawl hna an thawk a. Second year zirlai te mission field hranghrang ah kalin Fueld director te leh missionary te kaihhruaina hnuai ah rawngbawlna an nei a. Third Year ten Urban Ministry neiin Delhi leh Kolkata ah an kal a. Hmun pawimawh hrang hrang an fankual bakah a remchan dan ang zel in rawngbawlna an kalpui a ni.

AICS Practical 23(5).jpeg

July leh August thla chhung khan BD leh M.Div Final year zirlaite chu Aizawl khawchhunga BCM tualchhung kohhran engngemawzat ah insem darhin pastor leh kohhran committee te kaihhruaina hnuaiah practical ministry an lo hmang tawh bawk a ni. 

AICS Practical23 (2).jpeg
Zirlaite tana practical ministry neih thin hi Senate of Serampore College ruahman dan zulzuia kalpui a ni. Zirlaite lo dawngsawng a lo kaihruaitu field director leh missionary-te, social centre enkawltute bakah bialtu pastor leh tualchhung kohhran hote hnenah AICS Principal leh thawktute chuan lawmthu an sawi.

AICS Practical23 (4).jpeg

Good Friday leh Easter Sunday programme hman mek a ni.

Good Friday leh Easter Sunday programme hman mek a ni.

Kristiante ni pawimawh ber te zing ami “Good Friday” chu nimin, march 29, 2024 khan hman a ni a.  Kumin Good Friday thupui-ah Johana 19:30 thu atangin “A kin ta’ tih chu thupuiah hman a ni. March 28 (Ningani) Good Friday Eve-ah Tualchhung Kohhran engemawzat ah Lalpa Zanriah (Sacrament) an kilho a. Bialtu pastor leh Bial nei lo Minister leh Headquarters-a hruaitute pawh Kohhran hrang hrangah in sem darhin Lalpa Zanriah Sacrament hi an buatsaih a ni. Headquarters a kan hruaitute pawhin hetiang hian Kohhran hrang hrangah Sacrament buatsaihin hun an hmang :- …

Kristian Hlabu ennawn Sub-Committee an thu khawm

Kristian Hlabu ennawn Sub-Committee an thu khawm

Tun kar Thawhlehni, March 26, 2024 khan Headquarters Office Committee Room No. 1 ah BCM atanga Kristian Hlabu ennawn Sub.Committee an thukhawm a. Upa C. Hrangdula, Committee Convener-in a kaihruai a, meeting-ah hian member 10 an kal a ni. …

BCM Shalom, Mission Vengthlang ten Junior ṬKP  Retreat an nei.

BCM Shalom, Mission Vengthlang ten Junior ṬKP  Retreat an nei.

Retreat hi Lawmsanga Camping Centre, Ailawng ramah march ni 25 & 26 khan neih a ni a, mipa 12, hmeichhia 19 leh hruaitu 7 an tel a ni. Speaker atan Rbt. Stephen Lalruatfela leh a rawngbawlpui (Krista Thawhpuitute Team) te hman an ni …