Baptist English School, Zawlnuam-in Golden Jubilee an lawm.

By Communications Dept.BCM
Jubilee lawmna hi School compound-ah Pandal zar-in an hmang a, Zirtawpni zan dar 7:00 ah hawnna Inkhawm neiin, bialtu MLA Pu Lalrindika Ralte, Hachhek Constituency chu khuallianah hmangin, BES Jubilee zaipawl ten hawnna hla sa-in Managing Board member boral tawhte sunna neih a ni bawk. Chief Guest-in thu sawiin, zirlai tithate hnenah lawman semna te neih a ni a, Special Item hrang hrang a awm bawk.

AGS.jpg

A tuk, November 18 (Zirtawpni) chawhma dar 10:00 ah Golden Jubilee lungphun chu Rev. L. Vanlalsanga, Education Direector, BCM-in a hawng a. Jubilee lawmna inkhawm neih chhunzawmin Rev. R. Lalnuzira, AGS – Service chu khuallian atan hman a ni a. Rev. L. Vanlalsanga’n, Jubilee Souvenir tlangzarhin, Khuallian leh Upa AY Daniel, BES Headmaster hmasa ber ten thu sawiin, Upa Laldinmawia, Headmaster-in School Report tlangpui a pe bawk. Special Item hrang hrang – mal zai, Lam leh Cultural item te ngaihtlak leh thlirho a ni a, tlai lamah jubilee ruai kilho a ni.
BES Zawlnuam.jpg

Zirtawp zan dar 7:00 ah Jubilee kharna Inkhawm neiin, Khuallianah Pu Ngulzathuama, BDO, Zawlnuam RD Block hman a ni a. Zaithiam tak tak te zai ngaihthlak a nih bakah Short Play leh Cultural Item te awmin, Special Item tha tak tak hmangin intihhlimna neih a ni bawk. Khuallian hnen atangin thusawi te, Zirtirtu C. Lalchhanhima, Vice Chairman, Organising Committee hnen atanga lawmthusawina leh Jubilee Zaipawl ten Inthlahna hla an sak te ngaihthlak a ni a, Zirtirtu Upa RTC Lalthangura’n Tawngtaina-in Jubilee lawmna chu a khar ta a ni.
BES Zawlnuam2.jpg

Zawlnuam-a English Medium hmasa ber, Baptist English School, Zawlnuam hi Rev. K. Lalchhuangliana te nupa leh Fellowship of the New Testament Baptist Church (FNTBC) bul tumin 24.01.1972 khan an lo din a. Kum 1986 ah Fellowship of the New Testament Baptist Church (FNTBC) chu  Baptist Church Of Mizoram (BCM) ah inchhunglutin, an School din B.E.S pawh chu B.C.M kutah hlan a ni a, BCM Headquarters aiawhin Managing Board-in a enkawl chhunzawm a ni. 1993 khan BCM Education Committee-in enkawl veleh in, tun thlengin Education Department enkawlna hnuaiah a awm chho ta a ni.

A din tirh laiin KG atanga class VII thleng zirna niin, tunah chuan KG atanga Class X thleng zirna awmin School naupang 360 chuang zet an nei a, thawktu leh Zirtirtu 19 an bung mek a ni.

BES Zawlnuam3.jpg

Mission Sunday hman a ni dawn.

Mission Sunday hman a ni dawn.

July ni 6, 2025 Pathianni hi Mizoram Baptist Kohhran Nipawimawh, “Mission Sunday” a ni a. He ni hi kum tin, July Pathianni hmasa berah hman thin a ni. Kumin Mission Sunday-ah hian thupui chu II Lelte 7:9 thu “Hawh u, lal chhungte I hrilh ang u” tih hman a ni ang. Mission Sunday-ah hian Kohhran hote Ramthim rawngbawlna lama intih chak tawnna tur leh Pathiam ram ţulna te in kawhhmuhna atan hman ţhin a ni a, kuminah pawh Bial leh Tualchhung Kohhran engemawzatin Mission Convention leh Mission Programme an buatsaih a ni. …

CMC Vellore Council Meeting-ah AGS-Service leh Director Medical & Health Department an kal.

CMC Vellore Council Meeting-ah AGS-Service leh Director Medical & Health Department an kal.

Christian Medical College, Vellore, Council Meeting July 3 & 4, 2025 khan neih a ni a, BCM aiawhin Rev. Vanlalmuankima AGS-Service leh Upa Dr. B. Laldinliana, Director, Medical & Health Department Christian Hospital Serkawn te an kal. …

Ruihhlo do Campaign neih a ni.

Ruihhlo do Campaign neih a ni.

BCM Assembly rorel thu passed bawhzuiin June 28 & 29, 2025 (Inrinni nileng leh Pathianni) khan Tuipui 'D' ah tleirual pualin ruihhlo do campaign neih a ni a. Resource person atan Rbt. FH .Lalengmawia chu hman ni. …