Baptist Higher Secondary School. Serkawn chuan May 17, 2024 chawhnu dar 1;30 khan Tucker Hall, BHSS-ah Mizoram Board of School. Education-in HSLC result a tihchhuah a an school atanga zirlai tithate chawimawina programme an hmang.

He programme hi Pu R. Vanlalthiana, Principal-in a kaihruai a, Pu ZD Lalnunmawia, Chairman, Staff Welfare Committee-in hunserh hmangin, Rev. L. Vanlalsanga, Director, Education Dept.BCM leh Pu C. Lalhmingmuana, Principal, BHSS ten lawmpuina leh zirlaite fuihna thuchah tawi sawiin, Zirlaite aiawhin F. Zomuanpuia’n thu a sawi bawk. He hunah hian Zirlaite atangin Rosangzuali leh staff te atangin Pu Lawmkima Coolney ten Pathian fakna hla an sa a, Zirlai tithate – Distinction-a pass te lawmpuina thilpek hlanna neih zui a ni.  Zirlai titha te hi BCM Education Department leh Staff Welfare BHSS lawmpuina thilpek hlan an ni a, BCM Education Department hian Distinction-a pass te hi cheng 1000/- theuh lawmpuina a pe a ni.

Kuminah hian Baptist Higher Secondary School-ah HSLC Exam 112 awmin  mi 108-in hlawhtlinna an chang a, Distinction-ah mi 13, First Div-ah mi 44, Second Div-ah mi 40 leh Third Div-ah mi 11 passed –in, Compartmental hmu pakhat leh hlawltinna chang zo ta lo mi 3 an awm thung. A pumpuia Pass percentage chu za zela 96.42 % a ni. Zirlai 49-in subject hrang hrangah Letter an hmu a, K. Zomuanpuia chu Mathematics subject-ah  mark 100 ah mark 100 hmuin Mizoram pumah mark hmu sang ber a ni bawk.

 

 

Pangzawl pastor bial leh Tuampui Pastor Bial(Aizawl) ten Worship Meet an hmang

Pangzawl pastor bial leh Tuampui Pastor Bial(Aizawl) ten Worship Meet an hmang

June 8 & 9 hmang khan Pangzawl Pastor Bial leh Thuampui Pastor Bial, Aizawl te chuan Bial Worship Committee te hmalakna-in Worship Meet hetiang hian an hmang. …

Hauruang Pastor Bial-ah BKHP Seminar neih a ni

Hauruang Pastor Bial-ah BKHP Seminar neih a ni

June 8,2024 (Inrinni) hmang khan Hauruang Pastor Bial-ah ‘Nute Mawhphurhna” tih thupui hmangin Baptist Kohhran Hmeichhe Pawl (BKHP) Seminar buatsaih a ni a. MBKHP atangin Resource Person pathum – Upa B. Singopari, Vice President leh Executive Committee Member zing atangin Pi. K. Darrothangi leh Pi Zoremsiami te hman an ni. Seminar hi BCM Biak In Hauruangah neih niin, member 36 an tel thei a ni. …

Ruihhlo do Pathianni hman a ni dawn

Ruihhlo do Pathianni hman a ni dawn

BCM Assembly-2024 khan Ruihhlo leh a kaihhnawih that loh zia inzirtirna beihpui thlak hawnna (Kick off)  neih a ni a. Social Concern Department-in hemi bawhzuina kal zel atan hian Kohhran pumah Ruihhlo do Sunday hman ni se ti-a ruahmanna a siam angin,  June 9, 2024 (Pathianni) hi Ruihhlo do Sunday atan hman turin a ruat a. Social Concern Committee-in hma la-in hemi ni thupui ah “A bote chu ka zawng ang a, hnawh bote chu ka hruai kîr leh ang” (Ezekiela 34:6) tih chu hman ani ang. …