Mission News

ṬKP Lawngtlai North Bial leh Bawngkawn Bial ten Work Camp an nei.

#ṬKP Lawngtlai North Pastor Bial chuan March 14-17, 2023  chhung khan BCM Biak In Hruitezawl-ah Work Camp neiin, Biak In bang Brick rem leh Tukverh Chokut te siamin hun an hmang a. Work Camp ah hian mi 25 (mipa 20 leh Hmeichhia 5) kal in, tluang takin an hnathawh tura ruahman te thawk zovin hun an hmang a ni. BCM Hruitezawl Kohhran-ah hian chhungkaw 44 an awm mek a, Kohhran member 234 an ni. Kum eng nge maw chen kal ta aṭangin Baptist Mission School changtlung tak din niin BCM Missionary ten an awmchilh a ni.

#ṬKP Bawngkawn Pastor Bial pawhin March ni 14 aṭanga ni 18, 2023 chhung khan Marpara South-ah Workcamp an nei a. Work Camp an neih chhung hian BCM Comprehensive School thawktu Quarters pahnih te sak zauhna hna thawkin hun an hmang a ni. Bial chhung TKP unit panga  - Bawngkawn, Chaltlang, Lily Veng, Brigade leh Edenthar Unit atang te in member 20 an thawk chhuak a ni.

Bawngkawn@Marpara South (1).jpeg

Baptist Church of Jharkhand Inkhawmpui vawi 16-na neih a ni.

March 17-19, 2023 chhung khan “Krista aia palai kan ni” (II Kor 5:20) tih thupuia hmangin, Baptist Church of Jharkhand Inkhawmpui vawi 16-na chu BCJ Kurumtan ah neih a ni a. Speaker-ah Rev. Israel Lalremtluanga, Director, Baptist Masihi Mission hman a ni a, Baptist Masihi Mission Choir ten zaia rawngbawlin an tawiawm.

jharkhand.jpeg

Zirtawp - Inkhawmpui tan zanah Inkhawmpui hawnna leh hlanna neih a ni a, Rev. K. Lalhnehliana, Field Director-in Inkhawmpui hawnna neiin, Speaker-in thuchah a sawi a. Inrinni chawhma leh chawhnu-ah te Zai intihsiakna buatsaih a ni a. Inkhawmpui chhung hian zan tin Pathian Biak Inkhawm leh inkhawm banah zai leh lam programme siamin, Speaker thuchah bakah Special Item hrang hrang nghaithlak leh en tur a awm thin a, Baptist Masihi Mission zaipawl ten zaia rawngbawlna an nei ziah bawk. Pathianni chawhma Inkhawmah mi 19 in baptisma an chang a, chawhnu  Inkhawmna ah Lalpa Zanriah kilhona neih a ni a, Rev. K. Lalhnehliana, Field Director-in Baptisma chantirin Lalpa zanriah a buatsaih a niHS Hminga@Maranatha.jpeg.

BCM Maranatha, Lawngtlai-in Mission Convention an nei

March 17-19 chhung khan BCM Maranatha, Lawngtlai chuan 'Buh seng tur a tam hle si a' tih thupuia hmangin Mission Convention an nei a. Speaker-ah Upa HS. Lalhmingthanga, Lunglawn an hmang.

 

Chakma Mission hnuaia Skill Training Centre kalpui tan a ni.

March 21, 2023 (Thawhlehni) khan Chakma Mission hnuaia Skill Training Centre, Borapansury-a  Puanthui leh Puantah zirna chu kalpui tanin Puanthui zir mi 12 leh puan tah zir- mi 4, an vaiin mi 16-in an zir tan.

CBC Skilled Training Centre (1).jpg

He Skill Training Centre hi kum 2022 khan kha tih laia AGS Mission Rev. Dr. C. Vanlaldika'n a hawng a, November 2022-ah puan ṭhui leh puan tah zirtirtu tur mi pakhat ve ve lak an ni a, March 15, 2023 khan Puan ṭhui zir tur mi 12 leh puan tah zir tur mi 4 lak an ni a, March ni 21 atangin kalpui tan a ni ta a ni. Zirlai te hi Chawhma kal leh chaw hnu lam kal-ah te ṭhen an ni a, an vai hian Chakma an ni a, an zinga 6 hi kristian niin, a dang zawng hi kristian la ni lo te an ni.

CBC Skilled Training Centre (2).jpg

Chakma Mission hnuaiah tho tunah hian Chawngte C-ah Music Training Keyboard bik ah kalpui mek a ni a, naupang paliin an zir mek bawk a ni.

CBC Skilled Training Centre (3).jpg

BCM Rahsiveng Mission Committee-in CBC Marpara-ah Camping an neihpui

March 21 atang khan Chakma Baptist Church, Marpara chuan Camping an nei a. BCM Rahsiveng Mission Committee te chu Speaker leh Counselling lam te ti tura an sawm angin, Speaker-atan hian Upa H. Lalchhuansanga, BCM Rahsiveng leh a tul anga Counseling leh eirawngbawl lama pui turin member 10 an thawk chhuak a, Ni 21 leh 22 chhungin Hruaitu Camp an neihpui a, Hruaitu Camp-ah hian mi 35 an lut a, ni 23 atangin vantlang Camp-in an chhunzawm leh a, Vantlang Camp hi Inrinni-ah chhuakin Pathianni zan thleng Follow-up Crusade an neihpui leh ang. BCM Rahsiveng hian an kalna leh an ei leh in tur intumin vekin, Camping senso an tum sak vek bawk a ni.

Marpara Camping (4).jpeg

Good Friday leh Easter Sunday programme hman mek a ni.

Good Friday leh Easter Sunday programme hman mek a ni.

Kristiante ni pawimawh ber te zing ami “Good Friday” chu nimin, march 29, 2024 khan hman a ni a.  Kumin Good Friday thupui-ah Johana 19:30 thu atangin “A kin ta’ tih chu thupuiah hman a ni. March 28 (Ningani) Good Friday Eve-ah Tualchhung Kohhran engemawzat ah Lalpa Zanriah (Sacrament) an kilho a. Bialtu pastor leh Bial nei lo Minister leh Headquarters-a hruaitute pawh Kohhran hrang hrangah in sem darhin Lalpa Zanriah Sacrament hi an buatsaih a ni. Headquarters a kan hruaitute pawhin hetiang hian Kohhran hrang hrangah Sacrament buatsaihin hun an hmang :- …

Kristian Hlabu ennawn Sub-Committee an thu khawm

Kristian Hlabu ennawn Sub-Committee an thu khawm

Tun kar Thawhlehni, March 26, 2024 khan Headquarters Office Committee Room No. 1 ah BCM atanga Kristian Hlabu ennawn Sub.Committee an thukhawm a. Upa C. Hrangdula, Committee Convener-in a kaihruai a, meeting-ah hian member 10 an kal a ni. …

BCM Shalom, Mission Vengthlang ten Junior ṬKP  Retreat an nei.

BCM Shalom, Mission Vengthlang ten Junior ṬKP  Retreat an nei.

Retreat hi Lawmsanga Camping Centre, Ailawng ramah march ni 25 & 26 khan neih a ni a, mipa 12, hmeichhia 19 leh hruaitu 7 an tel a ni. Speaker atan Rbt. Stephen Lalruatfela leh a rawngbawlpui (Krista Thawhpuitute Team) te hman an ni …