November 1, 1958-ah Mâmpui khuaah a piang a, Fanai hnam a ni. Upa F. Sângluaia leh Vawmawii te fapa naupang ber a ni. Kum 1960 khân Lawngtlai-ah pêmin an awm zui ve ta zel a ni. Ft. 5. 8”- a sâng a ni a, Kum 1969-ah Rev.V. Lalzawnga’n Lawngtlai Bazâr-ah Baptisma a chantîr. 1976-ah Lawngtlai atangin Matric a zo a, Shillong-a College a kal lai, March 3, 1979-ah a piangthar. 1980-1984 chhûngin E.T. C Jorhat- B.Th a zo.
1. Lawngtlaia Pro. Pastor hna a thawh chhungin BCM Printing Press bul a tan a, Lawngtlaiah Manager hmasa ber a ni.
2. Lawngtlai Biala a awm chhung zawngin Lawngtlai Bial in Southern Baptist High School a dinah Vice Principal hna a chelh bawk.
3. Rawngbâwlna kawnga a tuina ber chu Mission rawngbâwlna hi a ni a. Ordain a nih kum, 1987-ah Bial enkawl lovin Missionary-ah a in pe nghâl a. Chutih laia ZBM Field ruak, Missionary luahtu awmlohna hmun Birpara, West Bengal-ah tirh thlâk nghâl a ni a, June 29, 1987-ah a thleng thla. Field enkawl hna bâkah Baptist Mission School-ah Principal hna kum eng emaw zat a thawk nghâl bawk.
4. 1989-ah West Bengal area chu Field puitlinga siam a nih atanga kum 2003 thleng khân Field Director hna a chelh a, West Bengal Field bîk atâna Field Director awm chhun a ni.
5. Mission Field-a a awm chhûng hian Indian Evangelical Mission hnuaia Qutreach Training Institute, Tamilnadu-ah Missionary Training neihtîr a ni.
6. West bengal Field atang hian 2003-ah UBS, Pune-ah BD zirin kaltir a ni a, 2005-ah rawn zovin, Lunglawn Bialah dah a ni.
7. 2008 kumah Mission Field-te khaikhawm turin, Regional Director atân Gauhati-ah dah a ni. A mimal nuna thil thleng pawimawhte:1. Mission Field-a a awm laiin 1990 kumah West Bengal Field a Missionary C. Laldinpuii nên inneiin fapa pahnih an nei.
2. A fapa upa zâwk Theodore Lâwmsângzuala chu kum 1993-ah mak takin Lalpa hnena hruaiin a awm a, a nupui C. Laldinpuii pawh chu a kum leh 1994 khân a hruaisak leh ta a. Anni nufa hi West Bengal Field, Mission Thlanmual-ah Krista lokal lehna nghâkin an lei taksa chu thlah liam a ni a.
3. A nupui thih lai hian a fapa naupang zâwk Amos Lalramchhana chu nausen hnute hnelai mai a la ni. Tichuan Lalpan a fapa naupang zâwk Amos Lalramchhana nên Field-a rawngbâwl hna chu 2003 thlengin a thawh tîr ta a ni.
4. Lalpan rawngbawlpui tura a pek, F. Lalengmawii nen May 21, 2004-ah an innei a. Ani nên hian fanu duhawm tak, Christine Lalmuanpuii an nei a, tichuan Amos Lalramchhana leh an fanu Christine Lalmuanpuii te nên an chhûngin Bial-ah Lalpan rawng a bawltîr a, 2008 kum atangin Misioion rawngbawlna chhunzawm turin Gauhati-ah an awm leh a, kum 2012 -atangin vawiin thlengin Lawngtlai Executive Secretary -in a awm bawk.
Rev. Dina hian “Kei mi fello ber mai vawiin thlenga rawngbâwl ve theia ka awm hi Lalpa Khawngaihna nasa tak ka chan vâng chauh a ni tih ka hria a, ka theih ang tâwka a hnung ka lo zui ve tawhnaah leh a rawng ka lo bâwl ve tawhna zawng zawngah khân vawikhat mah ka la inchhîr ngai lova, ka damchhûnga a rawngbâwl zêl hi ka duh ber a ni” a ti.
Src: BCM Pastors Biodata
