
February 20, 2023 (Thawhtan) khan BCM Venglai, Lungsen, Biak In thar chu General Secretary Rev. R. Lalbiakliana’n a hawng a. Biak In hawnna hi Biak In kawtah neiin, General Secretary-in a hawn zawh hian Biak In chhungah lutin Inkhawm nghal a ni a. Inkhawm hi Rev. C. Lalremmawia, Bialtu pastor-in kaihruaiin, Upa K. Siamliana, Kohhran Chairman-in Biak In sak dan report tlangpui a pe a. Upa ZD Thawmliana, Tualchhung Kohhran Treasurer –in Biak In thar hlanna tawngtai neiin, General Secretary-in Thuchah a sawi a, BCM Choir leh Lungsen Pastor Bial Zaipawl ten fakna hla an rem bawk. Chawhnu lamah Zikhawm leh Inpawlhona neiin hun hman a ni a, tlai lamah Biak In thar lawmna ruai kilho a ni.
BCM Venglai, Lungsen-ah hian Chhungkaw 96 lawiin, Kohhran member 431 an awm mek a, Kohhran Upa 7 leh Rawngbawltu 12 an awm a ni.