October 5, 2026 (Thawhtanni) chawhma Dar 10;30 khan BCM Headquarters Office, kawtah “CL HMINGA ChawlhBûk” tih chu hawnna leh Pathian hnena hlanna neih a ni.
He hun hi Rev. Dr. H. Lalthlamuana General Secretary-in a kai hruai a, ChawlhBûk an siam chhan leh a hming put chhante sawiin, he ChawlhBûk hi BCM Office dawrtute, Office staff, mai bakah helai hmun lo tlawhtute chawlhna tur atan a siam a ni a ti. Administrative Committee chuan ChawlhBûk a awm takah chuan hming nei ve se tiin a rel a. A hming a tan, BCM Pastor damlai zinga Upa ber hming chawi ni bawk rawh se a tih angin, “CL HMINGA ChawlhBûk” tiin a hming vuah a ni ta a ni.
October 4, 2026 (Pathianni) kha Rev. Dr. CL. Hminga’n Kum 99 a tlinna a ni a, a pianchamphaphak lawmna thilpek atan he ChawlhBûk hi aman a hawng ta a ni.
Rev. Vanlalmuankima Associate General Secretary Service chuan Pathian hnena lawmthu sawi tawngtainain hun a khar ta a ni. ChawlhBûk hawnna hun hi BCM Hqtrs. office-a thawktu te leh Rev. Dr. CL. Hminga tu leh fate'n an hman pui bawk.
