Ni li chhung awh tur Mizoram Baptist Kohhran Missionary Conferance Vawi 9-na chu October 15, 2026 atang khan BCM Biak in, Zotlang, Lunglei-ah neih a ni. Mission field hrang hrang atangin missionary 603 he Conference chhim tur hian an kalkhawm a. A tantirh zanah hian Mizoram chhung, Mizoram pawn leh foreign hmun hrang hranga mission field atanga missionary lo kal ten an thawhna ram leh hnam incheina tarlanna (Field parade) neih a ni a, hemi chhung hian an thawhna ram leh hnam chanchin tlangpui leh rawngbawl dan te tarlan a ni.
Conference chhung hian thupui “Li thuk lam pan la” (Luka 5:4) tih hmangin Pathian biak inkhawm-ah Speaker 5 ten Pathian thuchah an sawi ang a. Inrinni leh zirtawp chhun lamah seminar neih a ni a, Pathianni chawhnuah Lalpa Zanriah Sacrament inkhawm Rev. R. Lalnunzira, Bialtu Pastor, Zotlang Pastor Bial, Lunglei-in nei ang, Missionary Conference hi Pathianni zanah a tiak ang.
Missionary Conference speakerte chu;
- Rev. Prof. R. Zolawma, President, BCM ‘Lithuk awmzia’
- Rev. Vanlalmuankima (AGS Service) ‘Harsatna, thawhrimna leh thuawihna nen’
- Rev. Dr. V. Laldingliana, Chanmari, Aizawl ‘Rinna leh thiltihtheihna nen lithuk lamah’
- Rev. Dr. H. Lalthlamuana, General Secretary ‘Mahni ngei lithuk lamah aw’
- Rev. R. Lalrintluanga, AGS Mission ‘Lithuk lama kohna’
Resource persons :
- Rev Lalthanzauva, Chanmari, Aizawl
Subject : Significance of language in Mission. - Rev HS. Lalramnghaka, Field Director, Upper Assam
Subject : Cultural Anthropology - Rev. Dr. Andrew Lalhmangaiha, AICS.
Subject : Cross-Cultural Mission - Upa Laltlankima Hnamler, AICS
Subject : Life & works of Missionary
Tunah hian BCM Mission hnuaiah hian Mission field 19 leh Station 7 a awm a ni.
