Baptist Kohhran Hmeichhe Pawl (BKHP) chuan an din chahpha phak vawi 75-na (Platinum Jubilee) chu MBKHP huaihawtin February 20, 2013 khian ropui takin an lawm dawn a. Zing dar 7:00-ah BCM Mual, Serkawn-ah Jubilee Monument hawnna neih a ni ang a. He hun hi Pi B. Singpari, Organiser, MBKHP-in a kaihruai ang a, Pi H. lalhmuaki'n Monument a hawng anga, Rev, R.Lalbiakliana'n lawmthusawi tawngtai a neih zawhah Refreshment buatsaih a ni ang.

Chhun Dar 11:30 atangin Saikuti Hall, Lunglei-ah Platinum Jubilee lawmna pui ber - Main Celebration neih a ni ang a. Programme tan hma-in Refreshment neih a ni ang. Chhun dar 12:00 ah Programme tan a ni ang a. He hun hi Pi LH Sangziki, President, MBKHP in a kaihruai anga, MBKHP Zaipawl ten Opening Song an sak zawhah Platinum Jubilee Souvenir Release a ni ang. MBKHP Organiser-in report pe-in Zaipawl - BCM Choir, MBKHP Zaipawl leh Serkawn Unit BKHP te an zai ang a, MBKHP buatsaih Christian Chhungkaw hlabu Release leh Hruaitute chawimawina hun hman a ni bawk dawn a ni. Rev. H. Lianngaia, General Secretary,BCM-in thuchah sawiin Rev. Dr.Raltawnga, BCM President-in malsawm dilna leh tawngtaina-in hun a titawp ang.

BKHP hian Golden Jubilee leh Diamond Jubilee  te ropui takin an lo lawm tawh a,  kuminah Platinum Jubilee pawh ropui takin lawm an tum a ni. He Lawmna Progamme-ah hian Pastor Bial hrang hrang atangin Rorel Palai 2 zel leh Unit tin atanga rorel palai 1 aiawh leh Lunglei khawpui chhunga Unit pakhat atangin mi 15  te,  khawpui chhung Bialtu Pastor te leh BCM puipate leh DC te, leh pawimawh zualte sawm an ni a, heng bakah hian a duh apiang tan chhim theih a ni ang.

BKHP PLATINUM JUBILEE (75^th) LAWMNA PROGRAMME

February  20, 2013. (Nilaini)

07:00 a.m                    : Jubilee Monument hawn

A hmun                        : BCM Mual,Serkawn,Lunglei. Hruaitu             : Pi B.Singpari Organiser, MBKHP Lungphun hawngtu        : Pi H.Lalhmuaki Serkawn Lungphun hlanna           : Rev.R.Lalbiakliana Director FOD Refresment : Refrehment :  Refrehment  ....................

11:30a.m                     : Main Celebration

A hmun                       :  Saikuti Hall, Venglai. Lunglei Refreshment            : 11:30 Am Programme tan      : 12:00 Noon. Hruaitu             : Pi LH.Sangziki President. MBKHP Opening Song               : MBKHP Zaipawl Souvenir Release          : Pi K.Hrangthuami Sethlun Report  & Reflection     : Pi B.Singpari Organiser & Dr.Chawngthanpari Asst.Secretary Zaipawl                        : BCM Choir Thuchah tawi                : Rev.H.Lianngaia General Secretary, BCM Zaipawl                        : MBKHP Zaipawl Hruaitu chawimawi       : Pi F.Zanguri  Vice President, Hla  bu Release            : Pi Lalthangkhumi Tlabung Zaipawl                        : BKHP Serkawn Unit zaipawl Hlasak ho                     :  Malsawmna                  : Rev.Dr.Raltawnga President BCM.

Mizoram Baptist Kohhran Hmeichhe  Pawl hi Kum 1938 khan Pioneer missionary  E.M.Chapman (Pi Zirtiri) kaihhruaina hnuaiah Girls’ Auxiliary   (Mizo Nula/Hmeichhe  Tlawmngai Pawl- ka hrilhfiah ve ringawt. Lk) tiin Serkawn, Lungleiah din a lo ni a. Pawl tangkai leh tha tak anih avangin Nu-hote pawhin  chutiang lam hawi chuan hma an lo la ve a.  BCM Assembly chuan  pawl pahnih awm chu tha a tih loh avangin 1965-ah  ‘Baptist Kohhran Hmeichhe Pawl’  tiin pawl hnih chu pawl pakhatah a lo hlawmkhawm ta a. BCM member hmeichhia tupawh kum 14 chung lam chu member  a nih theih a, over a awm ve lo. Dam chhunga Pathian rawngbawl  theihna hmanraw tha tak a ni.

 Pawl Thuvawn/Thitiam

“Ka Lalpain tih tura mi ruat sak apiang chu ti turin ka inpeih reng e” II Samuela 15:15 ( hei hi Bible thu ngialngan a nil ova, Pi Zirtiri te lo siam anih avangin thlak danglam lo ila  tih a ni).

 Pawl Dinchhan

Baptist Kohhran Hmeichhe Pawl din chhan chu Pathian Ram a lo zau  zel theihna tura Kohhran, Khawtlang leh Chhungkuaa Pathian rawngbawl hi a ni.

A thil tum

1. (Hmeichhiate) Pathian thu  hriatna leh rinna kawnga hmasawn
2. Kristian chhungkaw din
3. Pathian thu-a fate kaihruai
4. Chanchin Tha hrilna kawnga theihtawp chhuah
5. Assembly-in Buhfaitham hi enkawl tura a ruat anga enkawl
6. A tul ang apianga Kohhran leh Khawtlang tana thawh.

  Pathian hruaina avangin BKHP member-te thahnemngai takin Buhfaitham  hmasawnna turin  an thawk a, kum tinin hma a sawn zel  a, Setana thik tham rawngbawlna a ni tih hriain nasa takin hma an la zel a ni.

Rawngbawlna  tlangpui.

1. Hqrt. Hruaituten Unit leh Bial an tlawh a, sawmna an chhang thin bawk.
2. Baptist World Alliance Women’s Department Hqrt. atanga tawngtai  subject siam leh hun ruat sa,   kumtin November  Thawhtan hmasa berah ram pum huapa tawngtai neih a ni (tt subj.hi Mizo twang lehlin thin a ni).
3. BWA-UD inkhawmpui te,   Asia Baptist Women’s Union (ABWU) inkhawmpui neih thin leh India  Baptist Women’s Union (IBWU), inkhawmpui leh tawngtai subject te, North East India Christian Council – Women’s Assembly (NEICCWA) inkhawmpui leh tawngtai subject lo hman te tih thin a ni.
4. Kan ram  tan subj . hrang hrang hmangin chawnghei tawngtai ram pum huapin neih thin a ni a.
5. Thlatin chhuak chanchin bu ‘Loisi’ 12000/c  chuang a tichhuak a.
6. BCM Mission rawngbawlnaah  theih tawpin Hqrt., Bial leh Unit-in Missionary support an pe.
7. BKHP Member pakhatah Rs.5/- lain kumtin ‘Mirethei Kutttualleichham chawmtu neilo’  Pastor Bial atanga  tanpui ngai an report-te mi 60-80 tanpui thin an ni.
8. Kan rama ruihhlo ngaite enkawlna hmun ‘Chhawmdawlna In’ an buatsaih bawk a, mi engemaw zatin an hlawkpui.
9. Kristian chhungkaw hla inphuahsiak tir a ni a, hla 79 a bu-a siam a ni.