September 11-14 chhung hian Aisia khawmualpui Baptist Kohhran Hmeichhe Inkhawmpui vawi 14-na (Asia Pacific Baptist Women’s Union (ABWU) 14th Biniel General Assembly) chu Indonesia khawpui, Jakarta-ah neih a ni a. Inkhawmpui thupui - ‘Soar to Greater Heights’ (Kolosa 3:1-2) tih thupui-a hmangin thuchah ropui tak tak ngaihthlak thin a ni a, thupui then hrang hrang hmang hian Workshop neih thin a ni bawk.
ABWU General Conference hi BWA Women hruaitute - President Rev.Karen Wilson leh Executive Director J.Merritt Johnston ten an hmanpui a, an ni bakah hian Asia Pacific Baptist Federation (APBF) hruaitu te - President - Rev. Mark Wilson te, General Secretary, Rev. Vesekhoyi Vee Tetseo te nupa leh APBF Advisor - Rev.Edwin Lam ten an telpui bawk.
He Inkhawmpui hmang hian MBKHP aiawh mi 20 an kal a, MBKHP aiawha kalte hi President – Pi Pc Lalvohbiki, Secretary – Nl. Lalhmingmawii Chongthu, Treasurer Rbt.F.Zanguri leh Fin.Secertary Dr.Zoramthangi ten an ho a ni. MBKHP atanga kal te hian September 12 zing khan Praise and worship an kaihruai a, Mizo Chai hla thluk hmangin fakna hla an rem bawk..
Watch on Youtube: IBWU General Conference 2023
