October ni 7, 2024, Thawhtanni chawhnu dar thum khan AICS Faculty quarters thar hawnnna leh AICS kum 25-na hriatrengna atana Jubillee Multipurpose Hall lungphum phumna neih a ni a. Quarters hawnna inkhawm hi Principal Rev. D.C.Vanlaldika'n kaihruaiin, quarters sak dan tlangpui report a pe. Report in a tarlan danin quarters hi a dung feet 60, a vang feet 35 a ni a, a sak nan hian cheng nuai 47 dawn sen a ni. Rev. Dr. R. Lalbiakliana, General Secretary in quarters hi Pathian hnena hlanin tawngtaina hun a hmang a, Luangmual bialtu Pastor Rev. T. Lalawia'n inkhawm malsawmna in a khar a.
Quarters hawn a nih hnu hian, AICS Silver Jubillee Multipurpose Hall sakna tur, Lungphumna inkhawm neih chhunzawm a ni a. Inkhawm hi Vice Principal, Rev. Dr. B. Lalramhluna'n kaihruaiin, Principal hnen atangin Silver Jubillee leh hriat rengna Jubillee Hall chungchanga hriat tur pawimawh te ngaihthlak a ni a. Jubillee Multipurpose Hall lungphum hi Rev. R. Lalrintluanga, Executive Secretary, Aizawl in phumin Pathian hnena hlanna leh tawngtaina hun a hmang a ni.
Faculty Quarters hawn
AICS Silver Jubilee Multipurpose Hall Lungphum
