June ni 10-11 chhung khan Asia Pacific Baptist Youth (APBY) buatsaih, Biakhmuhtheihna Kaltlanga intawhkhawmna (Virtual Conference) neih a ni a. Thupui atan "Act your faith, Champion your faith, Testify your faith" alam tawi in ACT tih hman a ni a, Asia Pacific ram hranga Baptist thalaite telin, TKP member mi 19 an inziaklut a ni.
APBY Vice Chariman Jacob Vanlaltana Khiangte in he Conference hi kaihruaiin, thupui zirhona leh Pathian fak hona te neih a ni a. Ram hrang hrang 22 atangin conference hi an chhim a, hmun hrang hrang a Baptist kohhran thalaiten special item leh cultural item entirna hun an nei a, TKP member Nl. Esther Khiangte chuan zai a rawngbawlna a nei a.
Workshop session hrang hrang 10 neih niin, TKP atangin Jacob Vanlaltana Khiangte leh Nl. Esther Zongte ten "Navigating the world of Social Media" tih thupui hmangin workshop an buatsaih bakah Dr. Krista Roluahpuia'n "Are Science and Christianity at war?" tih thupui hmangin workshop a buatsaih bawk a, chhimtuten hlawkthlak an ti hle.
