Baptist Masihi Mission hman tur Motor thar Pathian hnena hlanna neih a ni.

By Communications Dept.BCM

Tunkar Thawhtanni, September 11,2023 zing dar 10:30 khan Assembly 2023 in a lo phal sak tawh angin Baptist Masihi Mission hman tur Motor lei thar Bolero Camper chu Pathian hnena hlanna, Headquarters Office kawt-ah neih a ni a. Motor thar hlanna hun hi General Secretary, Rev. R. Lalbiakliana’n a kaihruai a, Upa Biakchungnunga, Office Superintendent-in Pathian hnenah a hlan.

Rev. R. Lalbiakliana, General Secretary chuan, Baptist Masihi Mission hman tur  Motor thar tha tak lei a lo ni ta chu lawmawm a tih thu sawiin, a hmangtuten dim dawi leh zah taka hmang turin a chah a. Upa Biakchungnunga, Office Superintendent-in Pathian hnenah hlanin tawngtaina a neih zawhah General Seceratry-in Rev. Israel Lalremtluanga, Baptist Masihi Mission Director  hnenah Motor Chahbi a hlan. Motor hi Bolero Camper, (4x4 wd) niin, cheng nuai 11 leh sing 2 man a ni a, Baptist Masihi Mission Headquarters Office, Lunglei-ah an kawl dawn a ni.

Mi Ngo hnuhnung Film tlangzarh a ni ta

Mi Ngo hnuhnung Film tlangzarh a ni ta

Kum 2019 Mizoram Baptist Kohhran rorelna sang ber BCM Assembly Vawi 123-na BCM Biak In Venglaia a neih chuan, “Mizorama Chanchin tha lo thlen dan documentary film buatsaih ni se, Communications Department in lo bawhzui se” ti a a rel ang in, kum 2019 May ni 13-ah Communications Department Committee chuan rel zuiin a tihhlawhtlin dan tur ngaihtuah nghal a ni. Kum 2020 July thla khan ‘Documentary Sub-Committee’ din nghalin, ruahmanna hrang hrang te siam ani a, Communications Department Committee ah thlirho leh niin, hmalak chhoh a nih dawn lai takin kan ramah hripui covid-19 hrileng avangin engmah tih theih leh hmalak theih loh in a awm ta a ni. …

KNP Winter Camp neih a ni.

KNP Winter Camp neih a ni.

Fellowship Department – in Planning-a an dah leh ruahmanna an siam angin, BCM-a Area hrang hrang – Aizawl, lawngtlai leh Headquarters Area-ah te Winter Camp neih a ni a, Headquarters Area-ah January ni 6 leh ni 7 (Thawhtan leh Thawhlehni) khan KNP Winter camp chu HATIM kawmzawlah neih a ni.. Thawhtan zan leh Thawhleh zan riakin January 8,2025 (Nilaini) khan an chhuak a. He Winter Camp hi Lunglei khawpui chhunga KNP Unit-te tana buatsaih a nih angin, unit 21 atangin member 180 chuang an tel thei a ni. …

Missionary day hman a ni

Missionary day hman a ni

January 11, 2025 hi Mizoram-a Missionary hmasa ber lo thlen champha phak vawi 131-na “Missionary day’ a ni a. Kumin Missionary Day thupui atan hian “ Lalpan thilropui takte min tihsaka, Sam 126:3” tih thu hman a ni. He ni hi rampumah hman a nih theh nan Mizoram sawrkar chuan sawrkar chawlh (State Holiday) atan a puang thin a, Kuminah pawh sawrkar chawlh-ah puangin kohhran hrang hrang ten awmni khamin ruai nen hun an hmang a ni. …