May 24, 2023(Nilaini) khan Baptist printing Press a hman tur, Khawl thar pahnih Heidelberg Offset leh Perforating Machine te chu Pathian hnena hlanna neih a ni a. He hunah hian Baptist printing Press-a thawktute bakah Headquarters-a Department hruaitute an kal khawm a ni.

Khawl thar hlanna hi Rev. Dr. Lalzarliana, Director, Baptist Literature & Printing Department-in a kaihruai a, Upa K. Lalnuntluanga, Manager, BPP-in Khawl thar neih dan leh khawl chanchin report pe-in Rev. Dr. R. Lalthanmawia, AGS-Missionin Pathian hnenah a hlan a ni.

Heidelberg Offset hi Germany siam a ni a, lehkha print-na a nih bakah numbering pekna atan hman nghal theih niin, perforating machine a vuah tel nghal theih a, cheng nuai 3 man a ni.  Perforating Machine (Binding tihna tur lehkha tlang tihkuakna) hi, Japan siam a ni, Cheng nuai 2 man a ni a, a rualin hmun thumah a tih theih a, hei hi Lawngtlai Branch-a hman tur a ni.