Mizoram Baptist Kohhran Assembly vawi 127-na neih mekah, vawiin March 12, 2023 (Pathianni) zing dar 10:00 khan nemnghehna inkhawm (Ordination Service) neih a ni a, mi 5 Minister atan nemngheh an ni a. Nemnghettu (Presiding Minister) hi Rev. KV Thanga, President niin, Rev. Vanlalmuankima, Director, Pastoral Ministry Department-in nemngheh te hmelhriattirna neiin, an ni hnen atang hian an chanchin tlangpui leh lawmthusawina ngaihthlak a ni. Minister nemngheh te tana tawngtaisakna Rev. Dr. K. Lalrinthanga’n a nei a, nemnghehna inkhawm-ah hian BCM Choir leh Lunglawn Pastor Bial Zaipawl ten fakna hla sa a rawngbawlna an nei bawk. Minister atana nemngheh te leh an awmna bial tur chu heting hi a ni:-

Chawhnu dar 1:30 khan Lalpa Zanriah (Sacrament) inkhawm awmin, Rev. F. Ramdinmawia’n a buatsaih a, Minister hi sempuitu tura ruat kohhran upa 31 bak ah Rev. C. Chhuntluanga, Rev R.Thanmawia, Rev. R.Lalthangliana leh Rev L.Vanlalsawma ten an pui a, Serkawn Pastor Bial Zaipawl leh Bazar Pastor Bial Zaipawl ten zaia rawngbawlna an nei bawk.

Zanin dar 6:45 ah Assembly hmawrbawkna Pathian Biak Inkhawm awm lehin, President Rev. KV Thanga’n inkhawm a kaihruai ang a, President kalchhuak Rev. Dr. R.Zolawma’n thuchah a sawi ang a, inkhawm ban hian Assembly 2023 chu an tiak tawh dawn a ni. Assembly Palai zawng zawng zat hi a tawp thlenga chhinchhiah dan in mi 1396 an ni.