General Secretary Programme:
Mizoram Baptist Kohhran General Secretary Rev. F. Ramdinmawia chuan tun hnaiah programme hrang hrang a nei a, Vawiin, April 19, 2018 hian AICS Valedictory Secrvice hmanpui turin Headquarters a chhuahsan a. Naktuk April 20-ah AICS Valedictory Service-ah a tel ang a, Inrinni-ah a lo let leh ang. April 24-ah Worship & Music Committee meeting ah telin April 26-a Board of Theological Education Committee meeting, AICS, Aizawl-a tel turin ni 25-ah Serkawn a chhuahsan leh ang a, ni 27-ah BCM Communications Committee Meeting nang hman turin Aizawl atangin a lo phei leh nghal ang.
AGS i/c Mission:
April 20, 2018 (Zirtawpni) hian AICS Valedictory Service-ah BCM aiawhin thu a sawi ang a, AICS Programme a hman zawh veleh, Siaha lam a pan nghal ang a. April 20-22, 2018 chhung a Siaha West pastor Bial Mission Convention-ah Speaker a ni ang. Convention thupuiah “Krista hmangaihan chuan min tir lui a ni (II Kor 5:14) tih a ni ang.
Christian Education Director:
Rev. Pc. Liandula, Christian Eduction Director chu tun weekend (April 21-22) hmang hian Lungrang Pastor Bial huap Sunday School Training neihpui turin naktuk hian lungrang a pan ang. Director hi Upa KH Phunthanga, Sunday School Trainer-in a tawiawm ang.
FOD Director & BCM Choir
April ni 20-22, 2018 chhung hian Serchhip Pastor Bial TKP chuan North Vanlaiphaiah Inkhawmpui an nei dawn a. He Inkhawmpui hmanpui hian Rev.KV Thanga, Director, FOD leh BCM Choir an kal ang. BCM Choir te hi April 20-a AICS Valedictory Service-ah an zai ang a, Serchhip Bial TKP Inkhawmpui hmanpui tur hian hemi ni vek hian Aizawl atangin Serchhip-North Vanlaiphai an rawn pan leh nghal dawn a ni. Tin, April 26-28 hian Hermon Kohhran Theiriat-ah Crusade Speaker niin BCM Choir te nen an hmanpui leh ang.
Organiser, PAC
April 19-20 chhung hian Evangelical Nurse Fellowship (ENF) buatsaihin Nursing School, Lunglei (Lunglei Civil Hopital) ah Descipleship Camp Speaker-in a kal ang a, April 22, 2018 (Pathianni) hian Zohnuai East Kohhran buatsaih Christian Chhungkaw Seminar-ah Resource Person atan an sawm angin a kal leh ang. April 28-29 hian Chanmari Pastor Bial KNP Inkhawmpui BCM Biak In Ramthar, Lungleiah Speaker a ni bawk ang.
