Mizoram Baptist Kohhran, Pastor bial vawnglai 6 leh an hruaitu Rev. Dr. R. Lalthanmawia hovin Pastor Refresher Programme-in December ni 15, 2016 khan Aizawl atangin Kolkata an thleng a, ruahhman dan chuan December ni 19, 2016 khian Mizoram let leh tur an ni. December ni 16, 2016 khan Serampore College tlawhin hun an hmang.
Serampore College tlawhna hunah hian Serampore Mission chungchang, Serampore College din chhoh anih dan zirna hun leh missionary hmasate sulhnu fanna hun hman a ni a, Serampore College-a BCM member awm ten chaw eitur an lo buatsaih sak a, hlim takin chawhlui an kilho nghl a ni.
BCM Pastor team member Serampore College tlawhtute chu Rev. Dr. R. Lalthanmawia (Leader), Rev. C. Lalbiakzuala, Rev. K. Lalmuanpuia, Rev. F. Zorinkhuma, Rev. N. Vanlalzuia, Rev. Lalsangzuala Sailo leh Rev. V. Biaknunsanga te an ni.
Reports: Maruata Lalruatkima
