BCTA, Womens Wing Annual Meeting-ah BCM aiawh pahnih an kal.

March 13-14 chhunga neih Baptist Church Trust Association, hnuaia Hmeichhe pawl - Sankalp Women Alliance for Action on Ground (SWAAG)te chuan Bhubaneshwar, Odhisa-ah Annual Meeting an nei a.  He Meeting-ah hian BCM aiawhin Thawktu pahnih – Nl. Lalrammawii Thangluah, Asst.Archivist leh Nl. C. Lalawmpuii, Counsellor, Chhawmdawlna In te an kal. Anni pahnih hi BCTA-Women Wingah hian Executive Committee member an ni nghe nghe a ni.

March 13-ah India ram state hrang hrang atanga BCTA Member Kohhran te aiawha kal khawm te hian Seminar neiin hun an hmang a. Inhmelhriattirna te neiin, Chapter hrang hrang aiawh te report leh BCTA Report te ngaihthla-in Seminar-in hun an hman chhunzawm a. Seminar-ah hianthupui hrang hrang - Rilru Hrisel nei tura infuihna te,Counselling chungchang te zirin sawihona neih a ni. A ni hnihna March 14 zing lamah Praise & Wortship hun hmangin chhun lamah National Education Policy tih thupui hmangin Seminar neih chhunzawm leh a ni a, chawhnu-ah Computer Skill Training Centre,. Odisha state ami chu hawn a ni bawk. Programme tha tak hmangin BCM aiawha kalte pawh tunkar Ningani khan Lunglei an lo thleng ve leh ta a ni.

BCTAWomen.jpeg

HATIM-in Adopted Village atan Zotluitlang thlangin, thawhhona thuthlung an ziak

HATIM-in Adopted Village atan Zotluitlang thlangin, thawhhona thuthlung an ziak

Kar hmasa Zirtawp ni, March 22, 2024  khan Higher and Technical Institute, Mizoram (HATIM) chu an Principal Pu Vuansanga Vanchhawng hovin tun hnaia Adopted Village atana an puan thar, Zotuitlang Lunglei District an tlawh a. Zotuitlang-ah hian khawtlang hruaitu, VC te, YMA leh MHIP hruaituten an lo dawngsawng a. VCP leh HATIM Principal te hian thawhhona thu thlung (Memorunduma of Understanding) ziakin an sign a ni. HATIM atangin Principal bakah zirtirtu pathum - Dr Lalhminghlua, Asst Professor, RTC  Lallianzela, Assf Prof, Pu Vanlalruata Kawlni, Sr. Assistant leh thawktu dang pahnih bakah zirlai 18 an kal tel bawk …

BCM Shalom, Mission Vengthlangin Medical Free Medical Camp an buatsaih

BCM Shalom, Mission Vengthlangin Medical Free Medical Camp an buatsaih

March 23, 2024 (Inrinni) khan an Kohhran Hall-ah Free Medical Camp hi an buatsaih a, an kohhran din champhaphak kum 25-na (Silver Jubilee) lawmna pakhat atana buatsaih niin, an kohhran member te bakah veng chhung mi engemawzat an inentir a ni. …

Baptist English School Extension Building sakna tur lung phum a ni.

Baptist English School Extension Building sakna tur lung phum a ni.

March 20, 2024 (Nilaini) zing dar 7:30 khan Baptist English School extension building thar sakna tur lungphum phum a ni a. Rev. L. Vanlalsanga, Education Director-in he hun hi kaihruaiin tanna hun a hmang a, Rev. R. Lalbiakliana, General Secretary-in BES extension ruahman a nih dan leh a tulna te sawiin, Upa Victor Lalrinawma Sailo, Director, Property Department in building sak dan tur ruahmanna te sawifiahin a tarlang. Rev. R. Lalnunzira, AGS-Service in building sakna tur lungphum phumin tawngtaina in a hlan a ni. …