February 9-11 ,2024 hmang khan TKP Bethel Pastor Bial, Champhai chuan Bial TKP Meet vawi 1-na Zokhawthar ah an nei a. Thuhriltu 12:1 thu - 'I Siamtu hre reng rawh' tih thupui ah hmangin, Speaker-ah MTKP Secretary Rev. F. Zorinkhuma an hmang. Speaker bakah hian MTKP hruaitute atangin executive committee member pahnih - Rbt. K Zosiamliana leh Pu P. Lalremruata ten meet hi an hmanpui a, zaithiam Rebek F. Lallawmzuali’n zaia rawngbawlin a tawiawm bawk.
Zirtawpni zan, inrinni zan, Pathianni zan leh Pathianni zingah te Pathian biak inkhawm neiin, speaker thuchah bakah bial leh unit hrang hrang atangin mal zai, group leh zaipawl rawngbawlna ngaihthlak thin a ni bawk. Inrinni chhunah mual-ah infiamna leh intihsiakna neiin nilengin hun an hmang a, Pathianni chawhnu ah indoor item hrang hranga intihsiakna neih chhunzawm leh a n.
Bethel Pastor Bial, Champhaiah hian TKP Unit paruk - Bethani, Bethel, Khuangleng, Lianpui, Venghnuai Zokhawthar leh Zokhawthar te an awm a, TKP member 350 an awm mek a ni.
