May 4, 2023 (Ningani) kha Baptist Mipa Pawl (BMP) din champha phak vawi 43-na a ni a, BMP awmna Unit tinah thupui Headquarters atanga thupui thlan sa “Intodelh” tih hmangin hun hman a ni a. Zing karah Social Service te neiin, Unit thenkhat chuan chhun lamah infiamna leh intihhlimna tein hun an hmang a, Zan lamah Inkhawm-in HEadquarters atanga Thupui zir tur buatsaih "Intodelh" chungchang paper buatsaih leh thuchah te ngaihthlak a ni. Mizoram BMP hruaitu te pawhin Unit hrang hrang-ah hetiang hian BMP Day hi an hmanpu a ni.
Rbt Chawngrolura – President –in Chanmari Unit, Lungleiah
Pu R. Liankunga, Vice President-in Venglai Unit-ah
Rev. H. Lalfakzuala, Secretary-in - Mualthuam North Unit-ah
Pu C. Lalawmpuia, Asst.Secretary – Electrict Unit-ah
Pu Lalnunsanga pachuau, Treasurer- Lunglawn Unit-ah
Pu Vanlalpeka, Fin.Secretary in Bazar Unit, Lungleiah.
OB te bakah ah hian Executive Committee member te pawh pahnih zela in sem darhin Lunglei khaw chhunga BMP Unit hrang hrangah BMP Day hi an hmanpui bawk a ni.
Baptist Mipa Pâwl (BMP) hi May 4, 1980 khan Thingsai khuaah din tan a ni a. A hmingah ‘Baptist Men’s Fellowship’ tia dah a ni a; kum 1983-ah ‘Baptist Mipa Pâwl’ tiin Mizo tawngin dah a ni. Kum 1988 Assembly-ah BMP chu kohhran hnuaia pawl (fellowship) pakhat ni tura pawmin, kum 2011 Assembly chuan BCM Planning rawtna pawmpuiin, tualchhung kohhran bâkah Pastor Bial huapa inthlunkhawmna neih leh Bial Rorel pawh a lo phalsak leh ta a ni.
5th Planning Commission-in a remtih leh ruahman angin Kum 2021 atangin Mizoram Baptist Mipa Pâwl (MBMP) chu Hqrs Office-ah Full time Secretary neiin kalpui tan a ni a, Mizoram Pum huap BMP Rorel leh Inkhawmpui pawh khum kum hnih danah neih a lo phal sak a, Mizoram BMP Inkhawmpui leh Rorel hmasa ber chu February 10-12, 2023 khan Hnahthialah neih a ni.
Mizoram Baptist Kohhran inchhiarna 2022-2023 in a tarlan dan in BMP hi Paastor 78-ah Unit 335 din a ni tawh a, member 16147 an awm mêk a ni.
