October 14, 2024 cham-in Canadian Baptist Ministries (CBM) hotu, Senior Program Coordinator - Pu CP Raju chuan Mizoram Baptist Kohhran, R&D rawngbawlna a rawn tlawh a, R&D Coordinator Rbt Lalrinawma, Asst.Coordinator - Nl. T. Lalfawnveli leh Field Facilitator – Nl. Laldinthari ten lo dawngsawngin, CBM leh BCM Relief & Development Department thawhhona-a Youth skill Develooment Project hnuaia Training centre hrang hrang te an tlawhpui a ni. Project te tlawhpui a nih bakah R&D hotute nen Inkawmhona neih zui a ni a, Project kalpui zel dan tur leh Sustainability Project 2025-2027 atana an duan bawhzui dan tur te sawihona neih a ni.  R&D mikhual pawimawh hi October 16 (Nilaini) khan Lunglei chhuahsan in a hawng leh ta a  ni.

Canadian Baptist Ministries leh BCM R&D te hi kum 2022 atang khan thawkhovin, an thawhhona hnuaiah Sustainable Community Development through Education and Support project kalpui mek a ni a. He Project hnuaiah hian Thalai te hmasawnna leh ei zawnna neih theihna a tan thiamna chi hrang hrang Puanthui, Beautician, Electrician, Alluminium & Steel Fabrication, Computer zirna te kalpui mek a ni. Heng bakah hian Zawlpui, Tuisenchhuah leh Bolia atangin Lonei mi 30 thlan chhuah an ni a, an tan hian hma nasa taka lak thin bawk a ni.

Project hrang hrang kaltlang hian thalai 60 chuang thiam thil hrang hrang zirtirna leh chhawmdawlna pek anlo ni tawh a ni. Tun dinhmunah CBM Project hnuaiah thalai mi 40 te thiamthil hrang hrang zirtir mek an ni bawk.