December 10-12, 2024 chhung khan ‘Inpumpek’ tih thupuia hmangin Chakma Baptist Church Pastors Meet vawi 4-na chu CBC Biak In, Town Church, Kalamanager-1, Chawngte ‘C’-ah neih a ni a, Speaker leh Resource person-ah Rev.Dr.C.Lalruatthanga, Exe.Secretary, CBC te, Rev. Dr. H. Lalthlamuana, Executive Secretary, Lawngtlai te, Upa K. Lalrohlua, Finance Director, BCM te hman an ni.

Thawhleh zan, Nilai zan leh Ningani zanah te Pathian Biak Inkhawm neiin, Thawhleh zan leh ningani zanah te Rev.Dr.C.Lalruatthanga, E.S, CBC-in thuchah a sawi a, Nilai zanah  Rev. Dr. H. Lalthlamuana, E.S Lawngtlaiin thuchah a sawi bawk. Nilaini leh Ningani-ah te nilengin Seminar neih a ni a, Nilaini chawhma lamah Rev. Dr. C. Lalruatthanga’n CBC dinhmun thlirna neiin, Seminar a neihpui a, chawhnu lamah Rev. Upa K. Lalrohlua’n ‘Sum enkawl chungchanga hriat tur’ tih thupui hmangin zirtirna a nei bawk. Ningani chawhma lamah Rev. Dr. H. Lalthlamuana’n Pastoral Care & Counseling chungchang zirtirna neiin chawhnu lamah Plenary session neiin, thuzir hrang hrang te sawihona leh zial felna neih a ni.

Chakma Baptist Church hnuaiah hian Pastor Bial 12 awmin Bialtu pastor 12 an awm a. Heng bakah hian Pastor bial vawng lo, Office a awm 2- Executive Secretary leh Coordinator te  leh Pastor Pensionaer pakhat awmin, Probationary pastor pakhat an nei mek bawk.