December 18 atangin kumin 2024 atan BCM office khar a ni ang.

By Communications Dept.BCM

 

Mizoram Baptist Kohhran hnuaia thawktu Department hrang hrang-a nitin Office kal te chuan December ni 18, 2024(Nilaini) atangin Krismas leh Kumthar chawlh an hmang tan dawn a. Hemi chhung hian Headquarters Office, Executive Secretary Office, Lawngtlai leh Aizawl te, Institution leh Department Office dang te chu khar a ni ang. Chutih laiin, Hospital lam te, ChhawmAwlna In te, Centre leh Homes te chu anmahni inenkawlna tibuai lovin Department hotute ruahmanna siamin a tul angin Office an la kai ang a, Duty leh hna kallai pawh a pangngaiin an kalpui zel dawn a ni. BCM Calendar-a tarlan angin, Kumthar January ni 7, 2025 (Thawhlehni)-ah Office hawng lehin, January ni 8, 2025 (Nilaini) ah thawktute inhlantharna Programme hman a ni ang.

Inhlantharna Programme hi Hqrs Office leh BCM Institutions leh Department hrang hrang bakah Lunglei khaw chhunga Bialtu Pastor ten a huhovin BCM Hall-ah an hmang dawn a, Lawngtlai leh Aizawl a thawktute pawhin Executive Secretary te ruahmanna-in a huhovin hun an lo hmang ang a, heng bakah Mission Field hrang hrang-ah pawh Field Director te ruahmna-in Inhlantharna hi an nei ang.

(Office te khar a nih dawn tak avangin,  Kohhran rawngbawlna Chanchin kan rawn tih chhuah thin te leh Baptist Today te kan chawl ve rih dawn a, harsatna dang a awm loh chuan January  Chawlhkar hnihnaah kan rawn chhunzawm leh dawn a ni)

Mi Ngo hnuhnung Film tlangzarh a ni ta

Mi Ngo hnuhnung Film tlangzarh a ni ta

Kum 2019 Mizoram Baptist Kohhran rorelna sang ber BCM Assembly Vawi 123-na BCM Biak In Venglaia a neih chuan, “Mizorama Chanchin tha lo thlen dan documentary film buatsaih ni se, Communications Department in lo bawhzui se” ti a a rel ang in, kum 2019 May ni 13-ah Communications Department Committee chuan rel zuiin a tihhlawhtlin dan tur ngaihtuah nghal a ni. Kum 2020 July thla khan ‘Documentary Sub-Committee’ din nghalin, ruahmanna hrang hrang te siam ani a, Communications Department Committee ah thlirho leh niin, hmalak chhoh a nih dawn lai takin kan ramah hripui covid-19 hrileng avangin engmah tih theih leh hmalak theih loh in a awm ta a ni. …

KNP Winter Camp neih a ni.

KNP Winter Camp neih a ni.

Fellowship Department – in Planning-a an dah leh ruahmanna an siam angin, BCM-a Area hrang hrang – Aizawl, lawngtlai leh Headquarters Area-ah te Winter Camp neih a ni a, Headquarters Area-ah January ni 6 leh ni 7 (Thawhtan leh Thawhlehni) khan KNP Winter camp chu HATIM kawmzawlah neih a ni.. Thawhtan zan leh Thawhleh zan riakin January 8,2025 (Nilaini) khan an chhuak a. He Winter Camp hi Lunglei khawpui chhunga KNP Unit-te tana buatsaih a nih angin, unit 21 atangin member 180 chuang an tel thei a ni. …

Missionary day hman a ni

Missionary day hman a ni

January 11, 2025 hi Mizoram-a Missionary hmasa ber lo thlen champha phak vawi 131-na “Missionary day’ a ni a. Kumin Missionary Day thupui atan hian “ Lalpan thilropui takte min tihsaka, Sam 126:3” tih thu hman a ni. He ni hi rampumah hman a nih theh nan Mizoram sawrkar chuan sawrkar chawlh (State Holiday) atan a puang thin a, Kuminah pawh sawrkar chawlh-ah puangin kohhran hrang hrang ten awmni khamin ruai nen hun an hmang a ni. …