April 1 leh ni 2, 2024 (thawhtan leh thawhleh zan) khan Communications department in ram pum huap Fak Lam intihsiak Final chu BCM Hall Serkawn ah neih a ni a, a zan hnihnaah result puangin, lawmman semna neih nghal a ni. Faklam Intihsiakah hian Cental Church, Aizawl chu lam thiam berah thlangin, lawmman pakhatna an dawng a ni.

Faklam Inrihsiak Final zan khatna-ah Rev. Dr. Lalzarlaina, Director, Communications Department-in tanna hun hmangin, Fak lam intihsiak buatsaih a nih dan te sawi in, kan naupang te leh rawlthar te zingah lam in thuk taka hmun a chan avanga a tha zawnga hman a nih theih nana intihsiak buatsaih a ni thu te a tarlang a.

Esther Vanlalpekin'n intihsiak hi kaihruai in, pawn (back stage) lam ah Lalawmpuii'n intihsiaka tel te inbutsaihna tlangpui te zawtin hruaitute kawmna a nei a, Nl. Lalrosiami Renthlei in zaia bul tanin final intihsiak zan khatna hi neih zui nghal a ni. Mahni hla duh zawng pakhat theuh hmangin intihsiakna hi neih a ni a, Intihsiak zawh hnu-ah Judge pathumte hnen atangin fak-selna leh thurawn te ngaihthlak a ni a, Rev. Vanlalmuankima, Director, Pastoral Department-in tawngtaiin intihsiak zankhatna hi a khar a ni.

Zan hnihna ah  Rev. R. Lalnunzira, AGS-Service-in tanna leh  Pathian hnenah inkawltirna hun a hmang a, Bethsy Lalrinsangi Judge pathum zinga pakhat in zaia Pathian fakna nei in, intihsiak neih zui nghal a ni. Zanhnihna-ah hian Organising lamin an hla thlan sa ‘Beiseina’ tih hla hmangin intihsiakna neih ni a. Result buatsaih a nih chhung hian Rosalin Khawlhring leh Rosangzuali ten fakna hla an sa a, Rev. R. Lalbiiakliana, General Secretary hnen atangin fuihna thu tawi ngaihthlak a ni bawk. Judge pathum te hnen atangin comment ngaihtlak a nih hnu ah result puan leh lawman semin chhun zawm a ni a; pakhatna – Aizawl Central Church ni in, cheng sing 5 leh citation an dawng a, pahnihna – BCM Shalom, Aizawl niin cheng sing 4 leh citation an dawng a, pathumna – BCM Zotlang North, Lunglei ni in cheng sing 3 leh Citation an dawn. An ni bak ah hian final round thleng kohhran dang zawng te hnenah consolation prize cheng sing khat theuh pek an ni bawk.

Final-ah hian Aizawl, Lawngtlai leh Lunglei-a intihsiakna buatsaih atanga thlan chhuah kohhran hrang hrang 11, Aizawl Area atangin - pathum, Central Church, Shalom leh Kanaan te, Lawngtlai Area atangin 3, Marantha, Chanmari leh Electric veng te, Headquarters Area atangin 5- Shalom, Lunglawn, Zotlang North, Zion leh Electric veng te an tel a. Endiktu atan pawh Lawngtlai, Aizawl leh Lunglei atangin pakhat theuh ruat an ni.

Pakhatna : Central Church Aizawl

Pahnihna :  Shalom, Mission Vengthlang, Aizawl

Pathumna : Zotlang North, Lunglei (Ringt)