Baptist Church of Mizoram

Tunkar Nilaini, November 30, 2022 khan Finance & Pension Committee meeting Sap Upa leh Pu Buanga Hall, Serkawn-ah neih a ni a, Committee hi President, Rev. Dr. R. Zolawma’n a kaihruai a, General Secretary Rev. R. Lalbiakliana’n BCM sum dinhmun report pe-in thu ngaihtuah tura chhawpchhuah te tarlangin a sawifiah bawk.

General Secretary chuan 2022-2023 Assembly Target hmuh dan report tarlangin, Target pumpui cheng nuia 7894.37 (Rs.789,437,000/-) atangin April-October chhunga hmuh beisei cheng nuai 4605.04 (460,504,917/-) niin, April-October thlenga thawhlawm hmuh tawh zat chu cheng nuai 4952.09 (Rs.495,209,836/-) a nih thu leh thla 10 chhung atan Target khumna chu cheng nuia 347.04 (Rs. 34,704,919) a nih thu a tarlang a. Target pumpui atanga pek tawh zat percent chu za zela 62.73 a nih thu a tarlang bawk.

An thu ngaituah tlangpui-ah Department hrang hrang atanga Post ruak hnawhkhah dilna te, Hna thar hawn dilna te, kum kal mek atana Department ten Supplementary Budget an dilna te, Ram leina tur sum dilna hrang hrang te ngaihtuahin, Department atanga 2023-2024 Plan leh Budget pawmpui tura an rawn thlen te thlirin an pawm bawk. Heng Hna ruak hnawhkhah dilna te, hna thar hawn dilna te leh Budget pumpui atanga Department leh Kohran thawh chhuah tura ruahman te hi Assembly Target ruahmanna te nen Assembly-ah pawmpui turin a thlen chho leh dawn a ni.