Nimin, May 22, 2012 khan Mzoram Baptist Kohhran enkawl, Higher & Technical Institute of Mizoram(HATIM), Lunglei chuan Graduation Day vawi thumna an hmang. He hunah hian khuallian tan Esther Lalruatkimi Secy H&TE Deptt. an hmang. Pi Estheri chuan Zirlaite hnenah “Engkawng pawh zawh ila, Pathian hriatna a pawimawh a, Pathian hriatna tel lo chuan a hlawhtlinna a awm lo tih sawiin Pathian tih hi finna bul a ni a ti. Zirlaite chu tun mumal tak nei a lehkha zir tura fuihin kan goal kan thlen theih nan tum mumal tak neih a ngai a ni a ti.
He Graduation Ceremony hi Rev. H. Sangchema, BCM Education Director-in a kaihruai a HATIM Principal, Dr. Chawngthanpari’n HATIM report tlangpui pe-in tun-ah hian zirlai 117 nei mekin staff 35 an awm mek a. Tunah hian HATIM Campaus puitling tur Lunglei bul, Kawmzawlah hna chak taka kalpui mek a nih thu leh, he campus hi a puitlin hunah chuan zirlai 500 zet awm theihna tur a nih thu a sawi a, NEC atangin Fund dil mek a nih thu a sawi lang bawk. Tunah hian Mizoram Sorkar-ah Grand-in Aide hmu tura hma lak mek a nih thu pawh a tarlang bawk. Dr. Chawngthanpari chuan HATIM din chhan chu Pathian rawngbawl tur leh Ram leh hnam tana mi tha leh hman tlak (quality) chher chhuah a nih thu sawiin ‘zirlai naran sawm chher chhuah ai chuan, quality tak pakhat chherchhuah hi kan duh zawk a ni a ti.
He hunah hian Graduate te hnen atangin thusawi ngaihtlak a ni bawk a, Candle light ceremony hman zawhah Rev. H. LIanngaia, General Secretary-in BCM aiawh-in thusawina leh Pathian hnena lawmthusawi tawngtaina a nei bawk. MZU hnuaia HATIM atanga graduate thar BCA 4 leh Bcom 7 an vaiin mik 11 hnenah lawmpuina Certificate a hlan nghal a ni.
Graduate te:-
B.Com
1. H. Lalthansangi, New Colony, Saiha (Proficiency award winner) 2. Jeffrey Laltlansanga, North Vanlaiphai 3. Lalremruati Khawlhring, Lawngtlai 4. Lalhluzuali Hnamte, Council veng, Saiha (Most improvement award winner) 5. Laldamfeli Pachuau, Vanghmun, Tripura 6. R. Lalremsiami, Zotlang, Lunglei 7. F. Lalrohlua, Lunglawn.BCA
- K. Lalvenhimi, Hnahthial
- Pc. Lalropuia, Lunglawn (Music Award winner)
- Lalramliana Changte,. Chanmari, Lunglei
- R. Vanlalnghaka, Sethlun (R.Lalzika Award winner)
