#Missionary Refresher Course:

BCM Assembly-in a lo ruahman angin  January 16 -27, 2017 hian a vawi khatna atan Missionary Refreshers Course Training neih mek a ni a, missionary 20 koh niin mi 17, ram chhung leh ram pawn atangin an lo kal a, mi pathum an tel thei lo a ni.

Missionary refresher training hi BCM missionary-te intuaitharna atana kumtin Jubilee Bible School, Serkawn-ah a neih thin tura  ruahman a ni a, zir turte hi Mission Department lamin an thlang thin dawn a ni. Refresher course-ah hian Bible, Mission leh personal development kaihhnawih  lam te an zir bakah Medicine leh First Aid te pawh zirtir an ni.

 

#Kohhran Upa Refresher Training:

February thla hian Kohhran Upa Refresher training kar khat awh batch hnih buatsaih a ni  dawn a. First batch chu seat a awm tawh lova,  second batch atan erawh chuan seat a la awm a, Training duh tan dil theih a ni. Kohhran Upa refresher course hian Bible zir dan, BCM Thurin, Kohhran enkawl leh Leadership, Mission leh Sermon buatsaih (homiletics) lam te zir tura ruahman a ni.

 

#Diploma in Christian Studies Program:

JBS chuan Session thar atangin Diploma in Christian Studies program chu an tan leh dawn ta a, Session hi April atanga tan leh tur a ni a, tunah hian JBS office atangin dilna lak chhuah theih a ni leh ta e.

JUBILEE BIBLE SCHOOL ADMISSION HRIATTIRNA

1. Dip. C.S. Admission: Jubilee Bible School a Mizo tawng Pathian Thu zir duhte tan JBS Office atangin dilna form lak chhuah theih a ni. Diltu chu mi piangthar tha leh inpe, kum 18 chung lam an ni tur a ni a hengte hi hriat tur pawimawh dangte an ni: a) Diltu Education qualification: Pawl 8 passed b) Admission form thehluh theih hun tawp (last date): 5th March, 2017 c) Zir turte interview hun: 13.03. 2017, 11:00a.m d) Interview-na hmun : BCM Committee Hall e) Course zir tur : Diploma in Christian Studies (DCS) f) Course rei zawng: April - December

2. Upa Refresher Training: Upa Refresher Training a kal duhte tan Second Batch-ah seat a la awm. A hun chhung tur chu February 20-24, 2017 (Monday to Friday) a ni. Heng number-ah te hian registration tih theih a ni a, Hming, Khua leh Kohhran lawina hming pekluh mai tur a ni.

Contact number: 03722342758 / 8974403150 / 8794680027

Sd- Rev. H. Lalthlamuana Dean of Jubillee Bible School.