September 8, 2023 (Zirtawpni) khan Assembly-in a lo pass tawh leh Social Concern Deparmtent ruahmanna-in Lawngtlai-ah Baptist Counseling Centre chu Rev. R. Lalnunzira, AGS-Service-in a hawng.
Rev. Dr. H. Lalthlamuana, E.S, Lawngtlai-in Counseling Centre hawnna inkhawm kaihruaiin, Rev. L. Vanlalsanga, Director, Social Concern Department-in report tlangpui pe-in ruahmanna te a sawifiah a, Counsellor hna thawk tur inhmelhriattirna a nei nghal a ni. He hunah hian NGO hruaitute leh Volunteers aiawh te bakah Area Development Committee member-te sawm an nih angin an tel a ni a, MHIP ai awh leh LWA ai awh bakah Lawngtlai Area Development Working Committee ai awh te'n thu tawi sawina hun an hmang bawk.
BCM Assembly-in Lawngtlai-ah Counselling Centre dah ve ni se ti-a rel angin Baptist House, Lawngtlai-ah Counselling Centre hi ruahman a ni a. Counsellor atan K. Lalkawngdika, BCM Maranatha, Chandmary Lawngtlai chu lak fel a ni tawh bawk.
