November 10-12 hmang khan BKHP Mamit Pastor Bial te chuan BCM Biak In, Dapchhuah-ah Inkhawmpui an nei a, thupui ah “Lalpa lo kal lehna” tih hmang in mi hrang hrang hnen atangin thuchah ngaihthlak a ni.
Zirtawpni zan Pathian Biak inkhawm ah Sr.Adviser Upa DV.Infimate in thuchah a sawi a. Inrinni-ah nilengin Bial BKHP Rorel neiin rorel palai member 76 an tel thei a, kum 2024 atana Bial hmalakna tur leh Budget te thlirin an ngaihtuah a, hruaitu thar thlanna neih a ni bawk. Inrinni zan inkhawmah Bialtu Pastor Rev. R. Laltanpuia’n thuchah a sawi a. Pathianni zing leh Pathianni zan inkhawmah MBKHP Secretary, Lalhmingmawii Chongthu-in thuchah a sawi bawk.
Pathianni chawhnuah Seminar neih a ni a, MBKHP Executive Committee member atangin - Pi F. Lalawmpuii’n Leadership Training neihpuii, Pi C. Laltlanthangi’n Zuk leh hmuam chungchang seminar a neihpui. Inkhawmpui chhung hian Mamit Pastor Bial Zaipawl bak ah Unit hrang hrang atangin zaipawl leh mal zai te ngaihthlak thin a ni bawk.
Mamit Pastor Bial chhungah hian BKHP Unit 6-Mamit, Emmanuel, Dapchhuah, Darlak, Nalzawl, Nazarit awmin Fellowship pakhat Lungsir a awm bawk a ni.
