BCM Assembly Puipate leh Department hruaitute inrawnkhawmin an rel angin, kan thenawm State, Manipur-a buaina nasa tak thleng mek-ah, remna leh muanna a awm theih nan, May 10, 2023 (Nilai zan) Pathian Biak Inkhawmah Mizoram Baptist Kohhran hnuaia Tualchhung Kohhran zawng zawng te tawngtairualna nei theuh turin General Secretary Rev. R. Lalbiakliana chuan hetiang hian ngenna siam.
..............................
OFFICE CIRCULAR
(Manipur buaina chungchanga tawngtairual)
Kan thenawm state Manipur-a buaina chhuak avanga mipui ten harsatna namen lo an tawk hi Mizoram Baptist Kohhran chuan pawi a ti a, nunna chan phah mi engemaw zat an awm chu pawi a tiin, khawhar chhungte a tuarpui tak zet a ni. Tin, hliam tuar, in leh lo, bungrua tihchhiat sak zawng zawngte pawh a tuarpui em em bawk.
Zo hnahthlak kan unau ten mahni in leh lo chhuahsan ngaia, dinhmun hreawm taka an awm hi Mizoram Baptist Kohhran chuan pawi a tiin, Manipur state-ah remna leh muanna thleng thuai se a duh tak zet a ni.
He buaina hian ziaawm lam a pan zel a, remna leh muanna tundin anih theih nan, Mizoram Baptist Kohhran hnuaia Tualchhung Kohhran zawng zawng ten May 10, 2023 (Nilaini) zana Kristian Chhungkaw puala Pathian Biak Inkhawmna neih turah tawngtairualna hun nei tel theuh turin kan inngen a, Kohhran mipui zawng zawngte pawhin he hun hi ngai pawimawha inkhawm theuh turin kan inngenin kan inhriattir a ni e.
Sd/- REV. R. LALBIAKLIANA
GeneralSecretary
Baptist Church of Mizoram
Dated: 8th May 2023
Download PDF: Circular (0805.2023)
