Paithar Pastor Bial BKHP rorel-in Seminar cum Leadership Training neih a lo pass tawh angin, August 30, 2024 (Zirtawpni) khan nilengin BKHP Seminar & Leadership Training an buatsaih a. Resource person-ah MBKHP hruaitu te sawmin, Secretary, Nl Lalhmingmawii Chongthu leh Executive Comt member pahnih Pi K.Vanlalpari leh Pi HC.Pari te kalin hun an hman pui a, Bial chhung Unit hrang hrang atangin member 59 an kal khawm a ni.

Chawhma lamah Leadership Training neihpuiin, Nl Lalhmingmawii Chongthu, MBKHP Secretary in Paper Present-in Hruaitu dinhmun leh mawhphurhna te zirtirin,  Chawhnu lamah Pi K.Vanlalpari leh Pi HC.Pari ten hun insem in, ‘Kristian Chhungkaw awmzia leh pawimawhna’ tih leh ‘Kristian chhungkuaa Nu mawhphurhna’ tih thupuia hmangin hun tha tak in an hmang bawk. Sawihona te neih a ni bawk.  Tlai lamah hlim takin chawhlui kil ho a ni a, zan lam inkhawm buatsaihin, Nl Lalhmingmawii Chongthu, Secretary, MBKHP in Thuchah a sawi leh bawk. 

Paithar Pastor Bialah hian BKHP Unit 7 - Paithar, Chawntlangpui, Sihtlangpui, Kawlchaw 'W', Silo Kawlchaw 'E', R. Vanhne leh Saizawh Unit te an awm a, Tun din hmunah BKHP member 398 an awm mek a ni.