February 15 atanga ni 18, 2024 chhunga Mizoram Baptist Kohran Hmeichhe Pawl (MBKHP) Inkhawmpui vawi 51-na Lungsena neih chu zawh a ni a, palai leh mikhual in ziak lut hi 4500 chuang an ni a, rorel palai hi 627 an ni.
February 16 (Zirtawpni) zing dar 9:30 atangin BCM Biak In, Venglai, Lungsen-ah rorel a ni a, an thu passed te chu:-
• Theih ang anga tanpuina vawihnih neih thin chu vawi khat ni tawh se.
• BCM hian Old Age Home din ve ni se, Fellowship Department-ah thlen ni se
• MBKHP Inkhawmpui hi Zirtawp zan atangin tan thin ni tawh se
• MBKHP Inkhawmpui dawltu tanpuina member pakhata cheng 20 khawn thin hi cheng 50-ah tihpun ni se
• Mirethei Kuttualleichham tanpuina member pakhatin Rs. 10 kan thawh thin hi tipungin cheng 20 ni ve tawh se
• Zemabawk Cancer Hospital Poor Patient Fund atan Unit tinin theih ang anga tanpui ni se
• Christian Hospital CT Scan lei nan Unit tinin vawi khat fehchhuah neih ni se
• MBKHP Inkhawmpui dawltu tanpuina cheng nuai khat ni mek hi cheng nuai hnih-ah tihpun ni se
• BKHP Inkhawm zan apianga tawngtairual thupui-ah ‘Ruihhlo ngai te, Jail tangte leh Cancer veite tan’ tih telh belh ni rawh se
• Kuminah hian BKHP pualin hla neih ve ni se
• Ram pum huapin fa neih tam inzirtirna neih ni se
Heng bakah hian MBKHP in Plan leh Budget an lo siam sa te pawm a ni a. kum 2024-2025 MBKHP Budget atan cheng nuai 14 leh sing 5 ruahman chu pawm a ni. Kumin Rorel-ah hian kum 2024-2027 atana MBKHP hruaitu tur tlangin hengte hi thlan an ni:-
Vice President : Upa B.Singpari, Serkawn Bial
Asst. Secretary : Pi F.Lalawmpuii – Electric Bial
Treasurer: Pi V.Zothanbuangi – Bazar Bial
Fin. Secretary : Pi Zohmangaihi – Zotlang Bial, Lunglei
Senior Adviser : Upa B. Sangmawia, Serkawn Bial
Heng bakah hian Fellowship Inkaihhruaina-in a sawi angin, hengte hi OB atana ruat an ni bawk:-
Secretary - Nl. Lalhmingmawii Chongthu (Administrative Committee ruat)
President - Pi HK.Lallianzauvi, Chanmari Bial (Fellowship Dept. Committee ruat)
Senior Adviser - Upa K.Lalsangliana, Rahsiveng Bial (Fellowship Dept. Committee ruat)
