MBKHP Rorel 2017 - Palai lawmna Inkhawm[/caption]
Mizoram Baptist Kohhran Hmeichhe Pawl (MBKHP) Rorel vawi 67-na chu vawiin, February 16, 2017 dar 9:30 a.m khan Mizoram Baptist Kohhran Biak In, Gilgal, Theiriat-ah neih a ni ta. Chanchin kan ziak lai hian palai kal zat 483 an ni. Nizan khan Palai lawmna Inkhawm hlimawm tak neih a ni. Inkhawm hi Pi F. Zanguri’n a kaihruaia, Pi F. Lalrochami, President, MBKHP-in thuchah sawiin Mizoram leh ram pawn hmun hrang hrang atanga Rorel Palai lo kalte lawmna thu a sawi bawk. He hunah hian Theiriat pastor Bial zaipawl leh Gilgal Kohhran (Theiriat) Zaipawl ten rawngbawlna an nei bawk.
Vawiin Rorel Inkhawm hi Pi F. Lalrochami, President, MBKHP-in a kaihruai a, Devotions hun a hman zawhah Palai te chibaibukna neiin kaltate sunna hun hman a ni. Kum 2016 chhungin BKHP member ropuina rama hawtate hi mi 228 an ni. Hemi zawh hian Pi PS Lalhmingthangi, BKHP Organiser-in Report a pe a, report-in a tarlan danin kum kal mek-ah BKHP Member - 32,489 an awm a, Pastor Bial 82-ah Unit 432 an awm a ni. (See Organiser Report)
MBKHP Rorel-ah palai thei chin inkaihhruaina-in a sawi chu – Unit aiawh pakhat theuh leh Bial aiawh pahnih theuh bakah MBKHP Executive Committee members leh MBKHP OB te an ni a, palai theihi Bial aiawh – 2 theuh, Unit aiawh 1 bakah, O.B leh Executive Committee te, Ex-officio member te nen an vaiin 600 chuang zet palai thei awm awm a ni.
[caption id="attachment_10098" align="alignright" width="300"]
MBKHP Rorel Inkhawm 2017[/caption]
An thu ngaihtuah tur (Agenda) hi Executive Committee Agenda 4 leh Bial atanga thu lut 34 a awm a, chung zingah chuan Ram tana Chawnghei Tawngtai, Missionary pual chawnghei tawngtai, Zu leh Ruihhlo ngaite pual tawngtai, Zuzawrh tih tawp a nih theih nana chawnghei tawngtai rawtna te a tam ber a. Ruihhlo chi hrang hrang do nan tawngtai kawngzawh neih rawtna te, Missionary Day January ni 11 (Ni sawmpakhat) hi Mizoram chhunga kohhran hrang hrang ten lungrual taka kan hman ho leh theih nana tawngtai te, Buhfaitham documentary siam rawtna te chu Agenda langsar dang te an ni ang.
