izoram Baptist Mipa Pawl (MBMP) Inkhawmpui 2026 atana Logo tur chu mi hrang hrang hnenah siam tirin MBMP Executive Committee chuan an duh an thlang fel ta a, MBMP Inkhawmpui chungchang Official leh Programme hrang hrangah te hman theihin an pho chhuak ta.
Kum 2014 atang khan Mizoram pum huapin BMP Meet chu kum khat danah neih thin a ni a, BMP Meet hmasa ber chu kum 2014-ah BCM Biak In, Bazar Veng Lungleiah neih a ni. 5th Planning Commission (2020-2021) rawtna angin BMP te chu TKP leh BKHP te angin Mizoram pum huapa inthlun zawmin, Secretary hran neiin Headquarters-ah thu ve turin Assembly chuan a pawm ta a. BMP Rorel-na pawh Pastor Bial Rorelnaa tawp mai lovin, Mizoram BMP Rorelna thleng awm tura tih a nih angin, kum tinin MBMP neih a lo ni ta a ni.
Hemi a nih avang hian kum khat dana BMP Meet an lo neih thin pawh Planning Commission ruahmanna leh Fellowship Department Inkawihhruaina-in a sawi angin kum hnih danah ram pum huap-in BMP Inkhawmpui neih turin a lo ti ta a. kum 2023 khan Mizoram BMP Inkhawmpui hmasa ber chu Hnahthial-ah neih a lo ni ta a ni. MBMP Inkhawmpui vawihnihna pawh 2026 ah South Vanlaiphai-ah neih tura tih niin, thupuiah “Khawvel mamawh Isua Krista” tih chu thlan fel a ni tawh bawk.
