March 13-17, 2023 chhung hian Pastoral Committee leh Mission Board  ten Transfer & Posting 2023 an siam thar angin Mission Field Director atana ruat thar te leh Mission School Headmaster atana ruat thar te chu Headquarters Office, Serkawn-ah Orientation neihpui an ni a. Resource Person-ah Rev. Dr. R. Lalthanmawia, AGS-Mission, Rev. Lalremsiama Ralte, Director – Mission Department, Pu T. Nghaksanga – Mission Promoter, Upa  K. Lalrohlua – Directror, Finance & Pension Department te hman  an ni. Mission Department leh Field inkaihruai dan te, Mission School enkawl dan leh kalphung te, BCM Inkaihhruaina leh Sum enkawl dan te, Plan leh Budget siam dan te in kawhhmuhin  hun an hmang mek. 

Field Director leh Headmaster thar te leh an awmna tur chu hengtiang hi a ni:-

1. Rev. Hmingthanzama Chawngthu -  Field Director, Sikkim Field

2. Rev. H. Lalremtluanga - Field Director, MP & MS Field

3. Rev. Aibula Fanai - Field Director, Arunachal West Field

4. Rev. K.Lalmuanpui - Field Director, Assam Field

5. R. Lalrinngheta – Headmaster – BMS Bethbunya

6. Fh. Lallawmzuala - Headmaster –  Huto English School, Nirjuli, Arunachal West

7. Absalom R. Vanlalramchhana – Headmaster, Nazareth Comprehensive School, Vathuampui