July 13, 2014 khan Arunachal East Field, Pasighat-a Model church-ah ringthar mi 9 laiin Lal Isua an rinna puan chhuah nan ringtu baptisma an chang. Hemin vêk hian Dosoram- Tripura ah Evan.T.Ngahksanga’n mi pahnih Baptisma a chan tir bawk.
Inneih Ruai danglam:Mt. Olive School, Assam Field Headmistress H. Lalrinpuii leh Pro. Pastor K. Lalhmangaihzuala, Lunglawn Bial te inneihna chu, an thawhna hnam Rabha Kristiante phut angin, an hnam danin Ruai nen ropui takin an lawm leh a. He hun hi a nu leh pa te pawhin an zuk hmanpui. A pa Rev. H. Rokhama te nupa hi May, 1968 ah Rabha hnam zinga thawk turin an thleng thla anih kha. An unau hi Field-a piang leh sei lian vek an ni.
Missionary Support lut tha:2013 – ’14 khan BCM Mission sum lakluhna pawimawh tak Missionary Support (pawisaa thawh khawm) chu nuai 154 zet a tling. Kan Target nuai 140 chu nuai 14 laiin kan khum a ni. Hei vang hian Missionary pawh 2014 hian kan la tam thei a, a lawmawm tak meuh meuh a ni.
Mission Convention :Serkâwn Tualchhung Kohhran chuan ni July 18-20, 2014 chhung hian Mission Convention an nei dawn a. Convention Thupuiah “Lo chu khawvêl a ni” tih hman a ni ang,
Karhmasa Patianni khan Chakma Mission hmun thum-ah baptisma chang thar 22 an awm -Karlui-ah mi-4, Serlui-ah mi-5 leh Tiperaghat-ah mi-13. Hengte nen hian kumin chhungin Chakma Mission-ah ringthar 205 in baptisma an chang ta. Tunkar chhung hian Rev. RC Lalthanzama, Director, Chakma Mission chuan Marpara Area a fang mek a. Missionary te leh thawktu dangte ko khawmin, infuihna hun an hmang nghal dawn a ni.
Missionary tirchhuak:July 13, 2014 Pathianni khan Hnahthial Chanmari Kohhran chuan anmahni chawm tur Missionary pahnih tirhchhuah inkhawm an nei a. Rev. Lalnunsanga Khiangte-in a tirchhuak.
Gospel Tour nei:Karhmasa, July 11, 2014 atang khan Arunchal West Field-a English School a BCM Missionaries te leh School naupang mi 14 te chuan Missing Area ah Gospel Tour an nei mek a, He Tour ah hian Medical Clinic te, Film Show te neiin an kalna khua ten an hlut hle. Vawiin thleng hian hun an hmang ang.
Missionary damlo:1) Pi Lalchhanhimi Chhangte, HM, Bolisora P/S leh a fanu kum 1 thla 3 mi lek chu Khawsik leh Malaria natna avangin Christian Hospital, Serkawnah enkawl mek an ni.
2) Nl. F. Zoramthangi, EN (rtd.), Lunglawn chu Cancer vangin a pum a puar tan ta. Damdawi ina enkawl a duh tawh lo.
3) Pi R. Vanlalzami, Pu Ngurthankhuma Sailo, Supervisor, Marpara Area nupui pawh Zemabawk Cancer enkawlna damdawi inah enkawl mek a ni a, Chikawng Cancer anih kha. An inenkawl reit awh avang leh sum lam harsatna avangin an mangang hle.
Missionary la thar dawn :Baptist Today-a tarlan ang khan BCM Mission Board chuan Jul. 24 – 25, 2014 hian Mission Worker 15 (sawmpanga) a la thar leh dawn a, Tun tuma lak leh turte chu : -
1) Substantive Post leh Temporary post 1 ve ve (thawk laite hmanga hnawh khah tur a ni) -2 2) Evangelist Nurse - 1 3) Evangelist. Teacher - 6 4) Evangelist (Missionary) 6July 22, 2014 (Thawhleh) 10:30 a.m hian Written Exam neiin, Juy 24 & 25, 2014 (Ningani leh Zirtawpni) ah Personal Interview hmanga lak an ni ang.
