ABU tân Jubilee Bible School lung phûm a ni:
CMMizoram Baptist Kohhran (BCM) leh Adi Baptist Union (ABU) tân pawha mêl lung pawimawh tak ni tawh tur Jubilee Bible School (JBS) chu lungphûm phûmin hawnna (inauguration) neih a ni ta. A hmasa ber atân church leaders refresher camp chu JBS campus, Sille-ah neih nghal niin valedictory service neih a ni ta. Kum 10 atan MoU chhunzawm dawn:
Galo Baptist Union (GBU) leh Baptist Church of Mizoram (BCM)(Baptist Church of Mizoram) te chuan thawh dunna (MOU) kum 10 atan ziah thar a ni leh ta
Tripura Baptist Christian Union inkhawmpui chu Vanghmun Biak In Jampuiah ni 27-29 .4 2018 chhung khan neih a ni a. BCM aiawhin Rev. K.Lalnunsanga Regional Director,Upa Sangthanzuala Rahsiveng, leh Upa Lalsangzuala Thuampui,Aizawl te an kal.
Arunachal East Field-ah kal:Lunglawn kohhran nula Esther Lalrinpuii chu Galo Baptist Union, Tirbin, Arunachal East Field-a Tailoring Centre hawn thara Instructress May-July, 2018 chhûng ni turin, Lunglawn kohhran rawihin a kal. A hma pawhin Mebo, Arunachal East Field leh Lalkura, Assam Field-ah te Instructress angin rawng a lo bâwl tawh \hîn a ni. I \awng\aipui ang u.
Rinthar Baptism chang:April 8, 2018 khan TRPC Colony, South Tripura ah ringthar chhungkaw khat kan neih belh a. An Pa ber hi Jitendra Tripura a ni, kan hnung thla 6 liam ta ah khan a damlo vak mai a, chuta țang chuan mi ang pha lovin a awm a, a chãng chuan a bawraw thei hle a ni.
In ațanga a chhuah chuan midang vuak te a ching țhin a, chuvang chuan an puithiamin a nghawngah inthawina lam chu TABIT an tih chu a awrh tir a. Mahse a dam theih loh avangin Kristian ni ila, a dam mial ang a tiin beiseina sang tak nen Kristian nih an duh ta a ni. An Nu ber hian Baptisma a chang nghal a, An Pa erawh chu a nghawnga TABIT a awrh, a phelh phal tlat loh avangin leh in ațanga a chhuah duh tlat loh avangin baptisma a chang ve ta rih lova, fa naupang te te 2 an nei bawk. Tin, Sachirampara ah pawh ringthar baptisma chang mi 3 kan nei bawk e.
Missionary-te InneiLalhmangaihsanga Evangelist leh Unice Lalrinpuii Headmistress ZBM School Birpara te chu, ni 10. 5. 2018 ah an thawhna hmun Birpara-ah an in nei dawn a. Ni 26.4.2018 khan Unice Lalrinpuii hi an mahni in Sethlunah thlahna hun neih a ni. Tluang taka an in neih a, nupa hlim tak ni turin Baptist Today chuan duhsakna a hlan e.
