January 15, 2023 chawhma dar 10:00 khan BCM Biak In, Lawngtlai Bazar-ah Missionary Tirhchhuah Inkhawm buatsaih a ni a. Tun tumah hian Missionary atana lak thar mi 4 tirhchhuah an ni. Missionary Tirh chhuah Inkhawm hi Rev. Lalremsiama Ralte, Mission Director-in a kaihruai a, Upa T. Lallianngura leh Upa T. Lalnunmawia, Mission Board member ten Pathian thu chhiarin, Pu T. Nghaksanga, Mission Promoter-in Missionary Tirhchhuah turte hmelhriattirna a neih hnu-ah Tirhchhuah turte hnen atangin Testimony tawi ngaihthlak a ni bawk.  Rev. Dr. H. Lalthlamuana, Executive Secretary, Lawngtlaiin tirchhuakin,  Rev. Lalzarliana Khiangte, Lawngtlai East Bialtu in Missionary Tirhchhuah te tawngtaisakna a nei a. Rev. Dr. R. Lalthanmawia, AGS-Mission-in fuihna thuchah sawiin Rev. Lalremsiama Ralte-in Malsawm tawgntaiin Inkhawm a khar a ni.

Tun tuma Missionary Tirchhuah te chu hengte hi an ni:-

1. ZD Malsawmtluangi – Evangelist Nurse – BMS Ngengpuitlang-a thawk tur
2. Lalrampanmawia – Evangelist Teacher – Nazareth H/S Vathuampui-a thawk tur
3. H.Hminghlupuii – Evangelist – Hong, Arunachal W Field a thawk tur
4. Lalfakawma – Evangelist – Arunachal East Field-a thawk tur