Baptist Church of Mizoram

January 11, 2023 (Nilaini) kha Mizoram-a Missionary hmasa ber lo thlen champha phak, “Missionary Day” a ni a. Kumin Missionary day Thupui atan “Chanchin Tha hi hril rawh u” (Marka 16:15) tih hman a ni. He Ni hi ram pumah hman a nih theih nan. Mizoram Sorkar chuan Sorkar chawlh (State Holiday) atan a puang thin a, kuminah pawh Sorkar chawlh-ah puangin, Kohhran hrang hrang ten awmni khamin ruai nen hun an hmang a ni.

JMissionary day-ah hian Zing lamah Pathian hnena lawmthusawi Inkhawm neiin Thupui thlan sa “Chanchin Tha hi hril rawh u” tih thu hmangin thuchah ngaihthlak a ni a. Chawhnu lamah Pathian faka zaikhawm programme te siamin, tlai lamah Missionary Day lawmna ruai kilho a ni. Zan lam Inkhawm pawh Missionary Day Prgamme hman chhunzawmin Kohhran tam zawkah Inkhawm banah Zaikhawm prgramme-in chhunzawm leh a ni bawk.

Missonary Day-ah hian Headquarters a hruaitute pawhin Kohhran te sawmna chhangin hun an hmanpui a. General Secretary Rev R. Lalbiakliana’n – BCM Farmveng-ah thuchah sawiin hun a hmang a, Rev. Dr. R. Lalthanmawia, AGS-Mission chuan zing lamah BCM Ramzotlang-ah hun hmangin, zan-ah BCM Salem-ah, Rev. R. Lalnunzira, AGS –in - BCM Zohnuai-ah hun a hmang a, Rev. Lalremsiama Ralte, Mission Director-in BCM Serkawn-ah, Rev. Vanlalmuankima, Pastoral Dept. Director-in BCM Gilgal, Theiriatah, Pu T. Nghaksanga, Mission Promoter-in BCM Sethlunah, Nl. Lalhmingmawii Chongthu, MBKHP Secretary-in BCM Moria, Rahsivengah hun an hmang a, Missionary Day Chibaibukna leh thuchah an sawi a ni.

Hemi Ni, Zingkarah hian Sap upa leh Pu Buanga te inbenbelna hmun, McDonald Hill, Zarkawt, Aizawl-ah chuan Zarkawt Presbyterian kohhran buatsaihin a duh apiang tel theih turin inkhawm buatsaih a ni a, Zarkawt Kohhran Chairman in inkhawm kaihruai in, Rev. F. Lalhmingthanga, Bialtu Pastor, Dawrpui Pastor Bial hnen atangin Missioanry Day thuchah ngaihthlak a ni a, Zarkawt Kohhran Zaipawl in Halleluiah Chorus remin, malsawm tawngtaina in Rev. R. Vanlalnghaka, Synod Moderator-Elect, Chanmari Bialtu Pastor ni bawk in inkhawm a khar a ni. Inkhawm banah inkhawm zawng zawng te tana buatsaih thingpui ruai kilho a ni.

Missionary Day hi Zofaten Chanchin Tha kan dawn avang leh Chanchin Tha avanga Zofaten Chhandamna leh malsawmna kan dawn te hre thar chunga, Pathian hnena lawmthusawi na hun atan hmang turin Headquarters chuan Kohhran hote a chah a ni.

January 11, 1894-ah Robert Arthington-a tirhin Zosap Missionary hmasa ber Sap Upa leh Pu Buanga te chuan Sairang rawn thlengin Mizoram leilung an rawn rap a. Aizawl-ah kum 3 an awm hnu-ah March 8, 1903-ah Baptist Missionary Society tirh-in Mizoram Chhim lamah an rawn lut leh a, Serkawn, Lungleiah awmhmun an khuar ta a ni. Chanchin Tha lo thlen atanga kum 100-na, Gospel Centenary chu 1994-ah Mizoram pum-ah ropui takin lawm a lo ni ta a, kum 1989-ah Mizoram Sorkar chuan Kohhran pahni PCI leh BCM te ngenna angin January 11 chu Missionary Day-ah puangin heta tang hian kum tin January 11 chu Sokar chawlh “Misionary Day” atan a lo puang chhunzawm ta zel a ni.

Missionary Day hman a ni.

Serampore College (University) Convocation leh Senate Meeting-ah AGS leh AICS Principal an kal.

Rev. Joe Laldinpuia’n Doctor of Theology Dawng

Zanin atangin ABC 17-ah Inkhawmpui leh Rorel neih a ni dawn

Welcome

Downloads

Materials