Julee Bible School buatsaih Missionary Refresher's Course Training January 16, 2017 atanga neih chu vawiin January 27, 2017 chhun dar 12:30 khan zawh niin, JBS Lecture Hall-ah Closing Function tawite neih a ni. He Closing Function- hi Rev. Rev. H. Lalthlamuana, JBS Dean-in a kaihruai a, Rev. F. Ramdinmawi, General Secretary-in thu sawiin Rev. B. Thangchina'an Training chhuakte tawngtaisakna leh lawmthu sawina a hmang a, Rev. B. Lalrinawma, Mission Coordinator-in Malsawmna-in function a khar a ni. Training te hian Course Completion Certificate an dawng vek bawk.
Mizoram Baptist Kohhran Assembly-in Jubilee Bible School, Serkawn-a a din chhan ang takin Bible zirna Course pangngai Session karlakah Missionary leh Kohhran Upa Refresher's Course Trainingna buatsaih thin ni se tih chu kuminah hman tan a ni a. a vawikhatnaah hian Missionary 20 Training tura koh niin, 18 ten Training hi an zawm thei a ni. Refresher course-ah hian Bible, Mission leh personal development kaihhnawih lam te an zir bakah Medicine leh First Aid te pawh zirtir an ni.
Missionary Refresher's Course training bakah hian Tualchhung Kohhran Upa te pualin intuaitharna atana Kohhran Upa Refresher's Course kumtin Jubilee Bible School-ah hian neih thin tura ruahman a ni bawk a, kuminah a vawi khatna atan February thla chhung hian Batch hniuh-ah thenkin Kohhran Upa ten Training hi an nei veleh dawn a ni.
