Mizo Theological Association buatsaihin Unity Carol Service neih a ni

By Communications Dept.BCM
Tunkar Ningani zan, December 2, 2022 khan Mizo Theologgical Association(MTA) buatsaihin BCM Biak In, Chanmari, Lungleiah Unity Carol Service neih a ni a. He hunah hian Lunglei khaw chhunga Kohhran Pawl hrang hrang memberte mi 800 chuang an kalkhawm.

Unity Carol Service hi Major PC Lianthanga, Divisional Commander, Salvation Army, Lungleiin kaihruaiin, MTA Secretary Rev. B. Lalramhluna’n chibaibukna leh Programme buatsaih chhan ‘kohhran hrang te inkara in unauna leh  inpumkhatna a lo awm theihna tura buatsaih’ a nih thu te tarlang in a sawifiah a, Kohhran hrang hrang aiawh, Hruaitute hnen atangin chibaibukna ngaihthlak a ni a, Zaipawl 4 – BCM Chanmari Standing Choir, Lunglei Mara Church Zaipawl, Presbyterian Choir Lunglei, BCM Choir te leh Nl. Lalhminghlui ten fakna hla an sa a. The Salvation Army, Lunglei Corps Brass Band ten thiam takin rimawi an rem bawk. Rev. R. Lalnunzira, President, North East India Christian Council hnen atangin thuchah ropui tak leh Pu Lalruatkima, Convener, Unity Carol Service, Lunglei hnen atangin  lawmthusawina te ngaihthlak a ni. Hun tawpah Rev. R. Lalrinliana, Bialtu Pastor, BCM Chanmari Bial-in Malsawm tawngtaiin Unity Carol Service hi a hmawr bawk a ni.

Unity Carol1.jpeg

Kohhran Hrang Hrang hruaitu ten Kohhran inzawmkhawm dan tur ngaihtuaha inrawnkhawmna an nei.

Kohhran Hrang Hrang hruaitu ten Kohhran inzawmkhawm dan tur ngaihtuaha inrawnkhawmna an nei.

Vawiin, January 24, 2023 (Thawhlehni) chawhma dar 10:30 khan Mizorama Kohhran Hrang Hrang hruaitu ten Kohhran inzawmkhawm dan tur ngaihtuaha inrawnkhawmna an nei. Tun tum Kohhran hruaitu te inrawnkhawmna hi Mizoram Baptist Kohhran in thleng in, Sap Upa leh Pu Buanga Hall, Headquarters Office, Serkawn-ah neih a ni a. Rev. R. Lalbiakliana, General Secretary, Mizoram Baptist Kohhran-in, kohhran hruaitu kalkhawmte lawmna leh chibaibukna a nei a, hemi hnu hian kohran hrang hrang atanga hruaitu lo kal te inhmelhriattirna neih a ni a, Presbyterian Church of India, Mizoram Synod (PCI), Evangelical Church of Maraland (ECM), Baptist Church of Mizoram (BCM), The Salvation Army, Lairam Isua Krista Baptist Kohhran (LIKBK) aiawh kohhran hruaitu mi paruk theuh  he inrawnkhawmna ah hian an tel. …

Mission Board Meeting neih a ni.

Mission Board Meeting neih a ni.

Tunkar Ningani, January 19, 2023 khan Mizoram Baptist Kohhran, Mission Board Meeting, BCM Hall, Serkawn-ah neih a  ni a. Meeting hi   President Rev. Dr. R. Zolawma’n a kaihruai a. Rev Dr. R. Lalthanmawia, AGS (Mission)-in report tlangpui a pe. …

Assembly Executive Committee Meeting neih a ni.

Assembly Executive Committee Meeting neih a ni.

Baptist Church of Mizoram, Assembly hnuaia Rorelna sang ber, Assembly  Executive Committee Meeting ni hnih awh tura ruahman chu January 18,  2023 (Nilaini) khan BCM Hall, Headdquarters Office, Serkawn-ah neiin zawh fel nghal a ni. Meeting hi BCM President, Rev. Dr. R. Zolawma’n a kaihruai a, Upa C. Hrangdula, Statistician-in Meeting Pathian hnenah hlanin a tawngtai a, General Secretary Rev. R. Lalbiakliana’n Department hrang hrang report khaikhawmin a pe. …