November 13, 2023 (Thawhtanni) zing dar 8:30 khan Mizoram chhim lam, Mara ram, Lakher hnam zinga Zo sap Missionary hnuhnung ber, Rev. Violet Louise Anne Mark (Pi Vaili) kum 85 chu November 13, 2023 zing dar 8:30 khan a chenna in, Saikao (Serkawr) ah a boral a. November 15, 2023 (Nilaini) khan Serkawrah thlah liam a ni.
Mara ramah hian Lakher Pioneer Mission Missionary hmasa ber Rev. Reginald Arthur Lorrain chuan a nupui, Moud Louise Ullander Lorrain te chu kum 1907 khan an thleng a, Serkawr ah awmhmun khuarin an awm a, a fanu, Marquirite Lorrain, (a mara hming Tlosa) leh mara zosap Missionary ve tho, Albert Bruce Foxell te chu innei in, fa pakhat Pi Violet Louise Annie (Pi Vaili-i) an nei a, Pi Violet hian pasal atan kum 1968-ah Rev. L. Mark, mara te zinga lehkhathiam hmasa leh Pathian rawngbawl tura inpe a nei a, an chhungkua hian mara ram chhuahsan lovin Pathian rawngbawl hna an thawk zui ta zel a. Rev. Violet Louise Annie Mark pi leh pu leh a nu leh pa te pawh mara ramah an thih ni thlengin Pathian rawngbawlin an awm a ni.
Pi Vaili hi Mizorama missonary hmasa ber leh BCM dintu Rev. JH Lorrain (Pu Buanga) nau tunu a ni a, Mizoram Baptist Kohhran chuan a sun in a ui takzet a, amah uina leh thlahna thuchah pawh General Secretary charge la lai Rev. Dr. R. Lalthanmawia'n BCM aiawhin a thawn bakah, Executive Secretary, Lawngtlai leh Lawngtlai area huamchhunga BCM pastor engemawzat Serkawnah kalin an thlah liam a ni.
