November 23, nilaini chawhnu dar 1 khan Committee Room No.01, Headquarters Office ah Assembly-in  ‘Mizorama Chanchintha lo thlen dan Documentary Film buatsaih ni se’ ti a a rel bawhzuitu Sub-Committee, Communications Department Committee kal tlanga din chu a vawi 6-na atan an thukhawm a. He thutkhawmna ah hian Documentary Film siamna atana Firm thawhpui tura biak MSPACE Production atangin mi 2 lo tel ve bawkin hmalak chhoh zel dan tur ruahmanna hrang hrang siam a ni.

Sub-Committee Meeting thurel chuan he Documentary Film hi a tha thei ang ber, hmuhnawm leh a tak ang tura buatsaih turin ruahmana a siam a, a changtu tur thlanna ‘audition’ neih dan tur pawh ruahmanna siam in, Aizawl ah December ni 9 ah leh Lunglei ah December ni 22 ah te neih a ni ang a, kum thar tir lamah chuan Film chan (Shooting) tan thei tura ruahmanna siam a ni a. He documentary film hi Mizorama Chanchintha lo luh dan leh a lo luh hma leh hnu a Mizo te zinga thil thleng phuahchawp leh belh awm lo, a hunlai ang thei ang bera buatsaih tur a nih avangin a buatsaih pawh a hautak dawn hle a, budget pawh mizo kutchhuak ah chuan a la sang ber tura ngaih a ni.

Mizo Theological Association buatsaihin Unity Carol Service neih a ni

Mizo Theological Association buatsaihin Unity Carol Service neih a ni

Tunkar Ningani zan, December 2, 2022 khan Mizo Theologgical Association(MTA) buatsaihin BCM Biak In, Chanmari, Lungleiah Unity Carol Service neih a ni a. He hunah hian Lunglei khaw chhunga Kohhran Pawl hrang hrang memberte mi 800 chuang an kalkhawm. …

Fianance & Pension Committee Meeting neih a ni.

Fianance & Pension Committee Meeting neih a ni.

Tunkar Nilaini, November 30, 2022 khan Finance & Pension Committee meeting Sap Upa leh Pu Buanga Hall, Serkawn-ah neih a ni a, Committee hi President, Rev. Dr. R. Zolawma’n a kaihruai a, General Secretary Rev. R. Lalbiakliana’n BCM sum dinhmun  report pe-in thu ngaihtuah tura chhawpchhuah te tarlangin a sawifiah bawk. …

R&D leh Lawngtlai Area Kohhran ten Parva-III-a Bangladesh raltlan te chhawmdawlna an pe.

R&D leh Lawngtlai Area Kohhran ten Parva-III-a Bangladesh raltlan te chhawmdawlna an pe.

December 1, 2022 (Nilaini) khan Relief & Development Department thawktute -  Director Rev. L. Vanlalsanga hovin, Senior Coordinator- Pu Lalrinawma leh Asst.Coordinator Nl. T. Lalfawnveli te, Diver Pu Lalawmpuia te chu Bangladesh atanga Raltlan, Parva-II-a awmhmun khuar te chhawmdawlna pe-in an kal a. R&D hotute hian Raltlante chu an awmnaah kalchilhin Cheng 30,000/- man an mamawh hrang hrang leh leh tangka fai cheng 20,000/- Raltlante pual hian an hlan a ni. Director chuan thuchah tawi sawiin, ringtute chu harsatna hmunah pawh chhel taka tuar tur leh Pathiana rinna vuan talt turin a fuih a, BCM pawhin a ngaihsakin a vil reng dawn a ni tiin raltlante thlamuanna thu a sawi a ni. …