May 19, 2023, Zirtawpni khan Mizorama Kohhran hrang hrang te inthlunkhawmna- Council of Churches in Mizoram dinna tura inrawnkhawmna chu Booth Mansion Hall, The Salvation Army Territorial Headquarters, Tuikual, Aizawl-ah an thu khawm a. Kohhran pawl hrang hrang - Presbyterian Church of India (Mizoram Synod), Evangelical Churches of Maraland, The Salvation Army, Lairam Isua Krista Baptist Kohhran leh Baptist Church of Mizoram aiawh te kalkhawmin, BCM aiawh-in President -Rev. KV Thanga, General Secretary – Rev. R. Lalbiakliana, AGS Service – Rev. R. Lalnunzira, Statistician – Upa C. Hrangdula, Executive Secretary – Rev. R. Lalrintluanga, Administrative Officer – Pu Lalruatkima, Upa Pc Liankhama, BCM Kikawn leh Upa F. Aizama, BCM Rahsiveng te an tel a ni.
He inrawnkhawmna ah hian Kohhran Inzawmkhawm Dan tur leh kalphung lo duang tura a ruat - Drafting Committee-in ruahmanna a siam te pharhin an thlir ho a, siam that leh ennawn ngai ni-a an hriat te siamthat a ni a, chung ruahmanna te chu mahni kohhran theuh Rorelna sang ber-ah thlen a ni ang a, Kohhran Rorelna te hian rem an tih tlan chuan Mizorama Kohhran Pawl inzawmkhawm chu din tura hmalak a ni dawn a ni.
