March ni 8, 2023 (Nilaini) khan MṬKP Executive Committee Meeting Vawi 541-na, Sap Upa leh Pu Buanga Hall, BCM Hqrs Office, Serkawnah neih a ni a. Meeting hi Upa R.Lalrochama, President MṬKP in a kaihruaia, Rev.F.Zorinkhuma MṬKP Secretary chuan hmalakna leh rawngbawlna hrang hrang report a pe a. Nl. J.Lalrintluangi, Treasurer leh Tv. H.Lalruatkima Fin.Secretary ten MṬKP sum hmuh leh hman dan ziakin report an pe bawk.

Report aṭanga a lan danin Pastor Bial pali, Cherhlun, Aizawl Central, Luangmual, Mission Vengthlang ten MṬKP Target an pe tlak tawh a. Khawzawl Bial, Kanhmun Bial leh Champhai Bethel Bial ten MṬKP Inkhawmpui dawltu ṭanpuina (member tina ₹ 20 khawn tling khawm) an thehlut tawh bawk.

Meeting ah hian MṬKP rorel 2023 thu pass hrang hrang umzui dan turte, Bial, Unit leh hmun hrang hrang aṭanga MṬKP-in sawmna dawn tihhlawh tlin dan turte, MṬKP Inkhawmpui 2025 Logo leh Theme Song chung chang bakah ṬKP Ramthim ni leh ṬKP Day-a MṬKP hruaitute fehchhuah dan tur chung changte ngaihtuah a ni.

Meeting hian kumin 2023 chhunga MṬKP in Inzirtirna a kalpui tur pahnih 'Ruihhlo Ṭhatlohzia inzirtir' leh  'Intodelh Inzirtir' Sub-Committee te din in, MṬKP Thuzir 2024 buaipui turin Convener leh member a ruat fel bawk.