February 17 leh 20 khan Maudarh khaw bul-a Mizorama zo sap missionary hmasa ber Pu Buanga (Rev. J.H. Lorrain) tawngtaina hmun hriatrengna MTKP in an siam chu a thuziak leh a hmun hma chei that hnatlang an thawk a. Hnatlang-ah hian MTKP hruaitute, Leite Unit leh Leite Pastor Bial TKP hruaitute an thawk chhuak a ni.
Pu Buanga Tawngtaina hmun hi kum 2015 khan MTKP hmalakna-in siam a ni a, National Highway laih mekin a hmun hma te an laih chhiat tel avang leh thuziak te pawh a lo reh deuh tawh avangin MTKP Executive Committee chuan siam that leh a rel angin hnatlang hi thawh a ni a, thuziak pawh tar that leh nghal a ni bawk.
