Mizoram Baptist Kohhran Rorelna sang ber – Assembly nithum chhunga neih chu vawiin, March 11, 2023 tlai dar 3:15 khan zawh fel a ni a. Rorel palai zawng zawng hi 1348 niin, BCM Assembly Rorel palai kal tam ber kum a ni.

Vawiina an rorel thu pass zingah –Pandal Structure nei tura hmalak ni se tih rawtna te, Baptist (BCM) danglamna hi lehkhabu-a siama sem chhuah ni se tih te, Bible Commentary Mizotawnga Siam rawtna te, BES Hmawngbua-a Class VIII thleng hawn dilna te, Baptist (BCM) Kohhran tawngkam hman dan phung leh ziak dan phung bik (Baptist House Styles) inang tlang a bu-a siam rawtna te,Medical Officer Post ruak pahnih hnawhkhah dilna te leh Kalay Valley Baptist Association nena thawhho pawhsei dilna te a tel a.

Heng bak ah hian ‘Hnahthial-a Administrative Area thar siam a, Executive Secretary (ES) dah ni se tih rawtna chu zirchian tura passed a ni bawk.

Naktuk, Marh 12, 2023 (Pathianni) zing dar 10:00-ah Pastor nemngheh inkhawm neih a ni ang a. Pastor nemngheh Inkhawm hi Rev. KV Thanga, BCM President-in a kaihruaiin,  Pastor atana lak an kum thum chhung an probation hun hmang zo a, paltlang tawh mi 5 te nemngheh an ni ang. Chawhnu dar 1:30 ah Lalpa Zanriah (Sacrament) inkhawm awmin, Rev. F.Ramdinmawia’n a buatsaih ang. Zan dar 6:45 ah Pathian Biak Inkhawm awm leh in, President Rev. KV Thanga’n inkhawm a kaihruai ang a, President kalchhuak Rev. Dr. R.Zolawma’n thuchah a sawi ang a, inkhawm ban hian Aseembly 2023 chu a tiak nghal ang.

Pastor atana nemngheh turte leh an awmna tur Bial