Ni 3 March 2023 tlai dar 3:30 khan North Vanlaiphai Pastor Quarters hlanna Rev Vanlalmuankima Director, Pastoral Department in a nei a. Headquarters office aṭangin Rev F. Zorinkhuma, Secretary MṬKP in a ṭawiawm bawk.

Hlanna program hi Rev Lalsanglura Sailo, Bialtu Pastor in a kaihhruai a, Quarters sak dan report kimchang ngaithlak a ni bawk. Hlanna programme hi Bial Committee member leh BCM North Vanlaiphai Tualchhung kohhran hruaituten an tel pui a ni.