March ni 15-17, 2024 chhung khan meet vawi hi Sihtlangpui-ah an hmang in, Rbt Chawngrolura Chawngthu, President, MBMP chu speaker a ni a, thupuiah "Lalpa rawngbawl" tih hman a ni. Lawngtlai Area BMP Coordination Committee hruaituten he meet hi hmanpuiin, an ṭawiawm a, Tv. H. Lalthanmawia, BCM Mualthuam ‘S’ in zaia rawngbawlin Meet hi a hmanpui bawk. Mikhual riak lut 60 vel an awm a ni.
Zirtawp zanah Pathian Biak Inkhawm neiin Meet hman tan a ni a, March ni 16, Inrinni nilengin infiamna chi hrang hrang hmangin unit inelna neih a ni a, Inrini zan, Pathianni zing leh Pathianni zanah te Pathian Biak inkhawm neih chhunzawm a ni a, Inrinn zan inkhawm banah Lengkhawm zai hmangin intihsiakna neih a ni a, Pathianni chawhnu-ah ‘Hmasawnna’ tih thupui hmangin Semniar neih a ni, Bialtu Pastor Rev. H. Lalkhamliana Resource person-ah hman a ni. Inkhawm apiangin Speaker hnen atangin thuchah tha tak tak bakah, mal zai leh zaipawl hla rem te ngaihthlak thin a ni.
Paithar Pastor Bialah hian BMP Unit 7 –Paithar, Chawntlangpui, Sihtlangpui, Kawlchaw ‘W’ Silo Kawlchaw ‘W’, R. Vanhne leh Saizawh ‘E’ Unit te an awm a. Bial pum puiah BMP member 170 vel an awm mek a ni..
